Prapahanda apublikavała pakajannaje videa z błohieram, što źniaŭ strajk na małočnym zavodzie ŭ Maładziečnie
Jak pisała «Naša Niva», farmaceŭta i błohiera Raścisłava Čapurnoha zatrymali ŭ toj ža dzień, kali adbyłasia zabastoŭka suprać małych zarobkaŭ i skaračeńniaŭ, siužet ź jakoj jon i zrabiŭ. Siońnia na «Minskaj praŭdzie» źjaviŭsia materyjał z pakajannym videa, dzie Čapurny kaža, što «nie razabraŭsia ŭ situacyi», «atrymaŭ urok» i h.d.
Z prośbaj źniać rolik z prachadnoj zavoda da Čapurnoha, pavodle jaho, źviarnułasia jaho padpisčyca.
«Nie bačyŭ u hetym ničoha drennaha: chacieŭ pakazać i taki epizod z žyćcia horada, mahčyma, dapamahčy ludziam. Ja ž padobnyja roliki raniej nie zdymaŭ, heta taki pieršy dośvied. Pra toje, što maim videa zacikaviacca ekstremisckija telehram-kanały, nie mierkavaŭ», — kaža mužčyna.
Paśla zatrymańnia (pryčym i jaho žonki) błohier šmat što zrazumieŭ.
«Ciapier razumieju: adnaboka pakazvać situacyju było niapravilna. Treba dać vykazacca ŭsim bakam. A to atrymałasia, što adny majuć racyju, tamu što majuć mahčymaść padnieści infarmacyju ŭ vyhadnym dla ich śviatle, a druhija aŭtamatyčna nie majuć racyi. Zatoje atrymaŭ dobry dośvied, zasvoiŭ urok: jak siabie pavodzić, kali chtości jašče paprosić zrabić videa pra ludziej, jakich ja baču ŭpieršyniu ŭ žyćci. I pra jakich ničoha tołkam nie viedaju», — skazaŭ jon.
Raścisłavu Čapurnomu 30 hadoŭ, jon uradženiec ukrainskaha horada Izium. U Biełaruś pierajechaŭ u 2014 hodzie. U Maładziečnie mužčyna znajšoŭ pracu farmaceŭta, stvaryŭ siamju.
Farmaceŭta, jaki źniaŭ pratest pracoŭnych u Maładziečnie, zatrymali ŭ toj ža viečar
Rabotniki małakazavoda ŭ Maładziečnie sabralisia na prachadnoj z-za nizkich zarobkaŭ, pahražajuć zvolnicca
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby8
Kamientary