Były futbalist Siarhiej Rabroŭ: Biełaruskaja ŭłada vinavataja adnaznačna, a da naroda ja pretenzij nie maju
Byłaja zorka kijeŭskaha «Dynama» i zbornaj Ukrainy Siarhiej Rabroŭ daŭ intervju Zerkalo.io, u jakim siarod inšaha raskazaŭ pra toje, što viedaje pra biełaruskuju situacyju, i pravioŭ vyraznuju liniju pamiž biełaruskaj uładaj i narodam.
Čytać całkam: https://news.zerkalo.io/cellar/14221.html?c
— Vy ŭ kursie, što adbyvajecca ŭ Biełarusi?
— Biezumoŭna. Paśla vybaraŭ u 2020 hodzie heta sucelnaja prapahanda ŭ dziaržaŭnych ŚMI. Plus siłavy kantrol. Staŭleńnie ŭłady da ludziej u vas jašče bolš žorstkaje, čym u Rasii. Za vychad ź lubym płakatam ludzi atrymlivajuć realny termin, nie kažučy ŭžo pra niejkija mitynhi. Jasnaja sprava, usie bajacca. Vielmi składana zmahacca z režymam Łukašenki znutry.
— Spartoŭcy pavinny vykazvacca i publična padtrymlivać Ukrainu?
— U kožnaha svoj los. U Biełarusi, jak i ŭ Rasii, kali vykažašsia, to, napeŭna, treba źjazdžać. Ale nie kožny maje mahčymaść pabudavać žyćcio za miažoj. Čałaviek naohuł dosyć słaby pa natury. Składana pierałamać siabie. Chto heta zrabiŭ, pakinuŭ Biełaruś jašče raniej. A bolšaść tych, chto zastaŭsia, vieru, razumiejuć situacyju, ale vymušanyja maŭčać. Bo navat niepubličnych ludziej pryciahvajuć da adkaznaści.
— Maŭčać i tyja, chto naradziŭsia va Ukrainie, ale daŭno atabaryŭsia ŭ Biełarusi: Zubryłava, Kušnir, Cupier…
— U maim razumieńni heta niapravilna. Va Ukrainie hinuć ludzi, ich narod. Jašče mnie śmiešna, kali chtości kaža, što jaho nie pytalisia. Siońnia stolki mesendžaraŭ i mahčymaściaŭ vykazać svaju pazicyju! Ja, pa-mojmu, adzin taki zastavaŭsia, u kaho niama akaŭntaŭ u sacyjalnych sietkach. Voś i razmaŭlaju zvyčajna napramuju.
— Vy vinavacicie biełarusaŭ u vajnie?
— Urad — adnaznačna. Z terytoryi Biełarusi, nakolki čytaŭ, vypuścili sotni rakiet. Zachodzili vojski. Ale narod salidarny z Ukrainaj. Byli prykłady partyzanskaj baraćby. Niekatoryja biełarusy pajechali vajavać za našu krainu. Biełarusy — prystojnyja ludzi. U ich niama impierskich ambicyj, jak u rasijan. Tamu nijakich pretenzij.
U mianie niamała znajomych, pryčym nie tolki ŭ sporcie. U kijeŭskim «Dynama» hulaŭ z Sašam Chackievičam i Valikam Bialkievičam, bratami [Uładzimiram i Michaiłam] Makoŭskimi. My razam zmahalisia na poli. Z Alaksandram źviazvaŭsia paśla pačatku vajny. Udziačny ŭsim za padtrymku.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary