«Spravu Aŭtuchoviča» buduć razhladać unutry hrodzienskaj turmy
Učora da palitźniavolenaha fihuranta «spravy Aŭtuchoviča» Uładzimira Hundara ŭ turmu trapiŭ advakat, paviedamlaje dačka aktyvista. Jon adčuvaje siabie dobra i na zdaroŭje nie skardzicca, pieradaje «Viasna».
Viadoma, što sudovy praces budzie prachodzić nie ŭ budynku suda, a naŭprost u hrodzienskaj turmie №1. Pasiadžeńnie pakul nie zakryli, ale, kab trapić na sud, treba atrymać dazvoł ad načalnika turmy.
Spravu budzie razhladać sudździa Hrodzienskaha abłasnoha suda Maksim Fiłataŭ užo 18 maja.
Nahadajem, Mikałaja Aŭtuchoviča i šerah źviazanych ź im, na dumku śledstva, ludziej zatrymali jašče 1 śniežnia 2020 hoda. Ułady adrazu abviaścili Aŭtuchoviča arhanizataram i kiraŭnikom «terarystyčnaj hrupoŭki», jakaja nibyta padpalvała aŭtamabili i damy supracoŭnikaŭ milicyi.
Usiaho pa spravie prachodziać 12 čałaviek. Adzin ź ich — Hundar, jaki maje invalidnaść, i 20 maja 2021 hoda asudžany pa art. 366 KK da 3 hadoŭ kałonii.
Raniej u turmie ŭ Homieli sudzili Siarhieja Cichanoŭskaha i Mikałaja Statkieviča.
-
U Biełaruś prylacieŭ prezident Kuby
-
«Možam i ŭ futboł pahulać, i razam na šavuchu schadzić». Futbalist sa Słonima, jaki staŭ ksiandzom, raskazaŭ pra svajo žyćcio i pryncypy
-
«Uražańnie, što ty kasmanaŭt, jaki viarnuŭsia z dalokaha palotu». Były palitviazień Andrej Kuźniečyk raskazaŭ pra svaju resacyjalizacyju
Kamientary