«Hučna vykrykvaŭ łozunhi, pieraškadžaŭ ruchu transpartu»: žychara Žłobina asudzili na paŭtara hoda
Sud Žłobinskaha rajona razhledzieŭ spravu Alaksandra Kastenki: jaho abvinavacili pa č. 1 art. 342 Kryminalnaha kodeksa (Arhanizacyja i padrychtoŭka dziejańniaŭ, jakija hruba parušajuć hramadski paradak albo aktyŭny udzieł ŭ ich).
Spravu razhladała sudździa Natalla Kačałava.
Da suda mužčyna znachodziŭsia pad vartaj u SIZA №3, mieŭ adterminoŭku ad adbyćcia pakarańnia pa inšym artykule.
Pavodle materyjałaŭ abvinavačvańnia, Alaksandr Kastenka 9 žniŭnia 2020 hoda vyjšaŭ na prajeznuju častku aŭtamabilnaj darohi ŭ Žłobinie, «dziejničajučy sumiesna i ŭzhodniena ŭ hrupie ź inšymi asobami, pieraškadžaŭ ruchu hramadskaha i inšaha transpartu, hučna kryčaŭ, vykrykvaŭ roznyja łozunhi, admaŭlaŭsia ad vykanańnia zakonnych patrabavańniaŭ pradstaŭnikoŭ ułady, zaklikaŭ da spynieńnia vykanańnia supracoŭnikami AUS svaich słužbovych paŭnamoctvaŭ, u tym liku pa achovie hramadskaha paradku, što pryviało da parušeńnia narmalnaj pracy transpartu i handlovaha abjekta».
Prysudam suda abvinavačany Kastenka pryznany vinavatym u pradjaŭlenych jamu supraćpraŭnych dziejańniach.
Jamu pryznačany adzin hod i 6 miesiacaŭ u kałonii ahulnaha režymu, paviedamlaje «Viasna».
Kamientary