«Гучна выкрыкваў лозунгі, перашкаджаў руху транспарту»: жыхара Жлобіна асудзілі на паўтара года
Суд Жлобінскага раёна разгледзеў справу Аляксандра Кастэнкі: яго абвінавацілі па ч. 1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак альбо актыўны удзел ў іх).
Справу разглядала суддзя Наталля Качалава.
Да суда мужчына знаходзіўся пад вартай у СІЗА №3, меў адтэрміноўку ад адбыцця пакарання па іншым артыкуле.
Паводле матэрыялаў абвінавачвання, Аляксандр Кастэнка 9 жніўня 2020 года выйшаў на праезную частку аўтамабільнай дарогі ў Жлобіне, «дзейнічаючы сумесна і ўзгоднена ў групе з іншымі асобамі, перашкаджаў руху грамадскага і іншага транспарту, гучна крычаў, выкрыкваў розныя лозунгі, адмаўляўся ад выканання законных патрабаванняў прадстаўнікоў улады, заклікаў да спынення выканання супрацоўнікамі АУС сваіх службовых паўнамоцтваў, у тым ліку па ахове грамадскага парадку, што прывяло да парушэння нармальнай працы транспарту і гандлёвага аб'екта».
Прысудам суда абвінавачаны Кастэнка прызнаны вінаватым у прад’яўленых яму супрацьпраўных дзеяннях.
Яму прызначаны адзін год і 6 месяцаў у калоніі агульнага рэжыму, паведамляе «Вясна».
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача38
Каментары