Bellingcat: Adzin z brytancaŭ, asudžanych u «DNR» da śmiarotnaha pakarańnia, maje ŭkrainskaje hramadzianstva
Tak zvany «Viarchoŭny sud DNR», padkantrolny Kramlu, 9 červienia asudziŭ troch pałonnych zamiežnikaŭ, jakija vajavali ŭ składzie USU, da śmiarotnaha pakarańnia. Adzin z brytancaŭ, asudžanych u akupavanym Daniecku, za «najomnictva» i «teraryzm», zjaŭlajecca ŭkrainskim hramadzianinam, paviedamiŭ u Twitter zasnavalnik rasśledavalnaj hrupy Bellingcat Elijot Chihins.
«Ejdena Eślina i Šona Pinera asudzili da śmiarotnaha pakarańnia paśla «pakazalnaha suda» ŭ akupavanaj Rasijaj Ukrainie. Zaŭvažcie, choć rasijskija ŭłady śćviardžajuć, što Eślin byŭ najmitam, na samaj spravie jon byŭ vajskoŭcam Ukrainy i hramadzianinam Ukrainy», — napisaŭ žurnalist-daśledčyk.
Aiden Aslin and Shaun Pinner sentenced to death after ‘show trial' in Russian-occupied Ukraine. Note while Russian authorities claim Aslin was a mercenary he was actually a member of the Ukrainian military and a Ukrainian citizen. https://t.co/NxOZisBXir
Asudžanyja da śmiarotnaha pakarańnia brytancy — Šon Piner i Ejden Eślin, a taksama hramadzianina Maroka Saadun Brahim — padpisali kantrakty z USU da pačatku poŭnamaštabnaha ŭvarvańnia RF va Ukrainu.
Ich abvinavacili pa čatyroch artykułach Kryminalnaha kodeksa «DNR»: «ździajśnieńnie złačynstva hrupaj asob», «hvałtoŭny zachop ułady abo hvałtoŭnaje ŭtrymańnie ŭłady», «najomnictva» i «prachodžańnie navučańnia ŭ metach ažyćciaŭleńnia terarystyčnaj dziejnaści».
Im dali miesiac na toje, kab abskardzić prysud. Usie troje paćvierdzili svajo rašeńnie padać apielacyju.
Kamientary