U Biełarusi płanujuć vyrablać i pradavać miernyja załatyja źlitki. Pra heta zajaviŭ siońnia žurnalistam namieśnik ministra finansaŭ Biełarusi Uładzisłaŭ Tatarynovič, paviedamlaje BiełTA.
«My pradmietna vyvučajem dośvied rasijskaha boku nakont vykarystańnia manietarnaha zołata ŭ apieracyjach. U samy bližejšy čas my prapanujem našym subjektam i hramadzianam mahčymaść nabyvać miernyja źlitki, jakija buduć vyrablacca niepasredna na terytoryi Biełarusi», — skazaŭ Uładzisłaŭ Tatarynovič.
Miernyja źlitki, jakija ciapier prysutničajuć na biełaruskim rynku, — nie ŭłasnaj vytvorčaści.
«Płanujem vybudavać rabotu takim čynam, kab abarot miernych źlitkaŭ, to-bok prodaž i harantavany zvarotny vykup, pravodzilisia Ministerstvam finansaŭ z vykarystańniem mahčymaściaŭ našaj bankaŭskaj sistemy. Takim čynam płanujem pavysić inviestycyjnuju pryvabnaść. Vyrablać miernyja źlitki buduć na Homielskim VA «Kryštal». Techničnuju padtrymku nam akazaŭ adzin z manietnych dvaroŭ sistemy Dziaržznaka Rasii», — adznačyŭ namieśnik ministra.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary