Novy termin ad samaj «represiŭnaj» sudździ Bresta: Viera Fiłonik dała maładoj maci 4 hady «chatniaj chimii» za videa z vajskovaj technikaj
9 červienia Brescki abłasny sud vynies rašeńnie pa spravie Volhi Bujan, jakuju abvinavačvajuć u «sadziejničańni ekstremisckaj dziejnaści» pa č. 1 art. 361-4 KK.
Sudovaje pasiadžeńnie ŭznačaliła Viera Fiłonik — adna z samych «represiŭnych» sudździaŭ nie tolki ŭ rehijonie, ale i ŭ krainie, jakaja vielmi chutka zrabiła svaju karjeru. Tolki za hod, sa žniŭnia 2020-ha pa kastryčnik 2021-ha, sudździa, jakoj krychu bolš za 30 hadoŭ, vyniesła kala 40 «palityčnych» prysudaŭ, žorstka pakaraŭšy biełarusaŭ za ich hramadzianskuju pazicyju. Fiłonik sudziła ludziej cełymi hrupami i ŭdzielničała ŭ samych hučnych spravach rehijona: «Bresckija biesparadki», «Pinskaja sprava», «Sprava karahodaŭ», paviedamlaje «Viasna»…
Sprava Volhi Bujan, jakuju sudździa razhladała hetym razam, taksama «palityčnaja».
Viadoma, što abvinavačanaj 27 hadoŭ. Žančyna žyvie ŭ pasiołku Rečyca Stolinskaha rajona, u 7 km ad biełaruska-ŭkrainskaj miažy, i vychoŭvaje maleńkaje dzicia.
21 sakavika 2022 hoda Volha advodziła dzicia ŭ sadok. Pa darozie ŭbačyła vajskovuju rasijskuju techniku z apaznavalnymi vyjavami, źniała jaje na videa i adpraviła ŭ telehram-bot prajekta «Biełaruski Hajun».
Paźniej biełaruskija ŭłady pryznali «Biełaruski Hajun» ekstremisckim farmavańniem.
Jak stała viadoma padčas sudovaha pasiadžeńnia, paśla taho, jak Volha adpraviła videa z vajennaj technikaj u telehram-bot, siłaviki pačali jaje vysočvać. Asobu žančyny vyśvietlili pa videakamierach, jakija byli ŭstalavanyja na čyhunačnym pierajeździe.
Videa, jakoje źniała Volha, źjaviłasia na kanale «Biełaruski Hajun» u 11.32. Pa im było zrazumieła, što zdymka viałasia z mašyny. Pa časie zdymki siłaviki vyznačyli mašynu žančyny. Nieŭzabavie Volhu zatrymali i zapisali ź joj «pakajannaje videa».
Svaju vinu padčas suda abvinavačanaja całkam pryznała. Prakurorka Volha Hryckievič zaprasiła dla Volhi Bujan abmiežavańnie voli terminam na 4 hady.
Sud pryznačyŭ pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu terminam na 4 hady. Mabilny telefon abvinavačanaj, jak srodak ździajśnieńnia złačynstva, sud kanfiskavaŭ.
Prysud nie ŭstupiŭ u zakonnuju siłu i moža być abskardžany i apratestavany ŭ apielacyjnym paradku.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»22
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary