Ministr infarmacyi raskazaŭ, što buduć rabić z rajonkami, jakija nie siabrujuć ź internetam
Ministr infarmacyi Uładzimir Piarcoŭ padčas pracoŭnaha vizitu ŭ Lozna pravioŭ adziny dzień infarmavańnia dla supracoŭnikaŭ redakcyi rajonnaj haziety «Ściah pieramohi», dzie adkryŭ chitry płan, pavodle jakoha płanujecca asučaśnivać niahiehłyja ŭ pracy z sučasnymi technałohijami vydańni.
Mietady Ministerstva infarmacyi daŭno pravieranyja nie tolki ŭ hetaj halinie — adstałyja vydańni treba pryčapić da bolš prasunutych, i tyja, mahčyma, ich padciahnuć da bolš-mienš prystojnaha ŭzroŭniu:
«Kali ŭ redakcyj, jakija dobra pracujuć u drukavanaj viersii, niama mahčymaści stvarać efiektyŭnyja kanały kamunikacyi sa spažyŭcami ich infarmacyi na ŭsich inšych płatformach, rychtavać dla ich roznyja publikacyi, videaroliki, to my budziem ich albo abjadnoŭvać, albo dałučać da bolš bujnych.
Kab i dyzajn, i viorstka, i praca ŭ ličbavych asiarodździach rabiłasia na aŭtsorsinhu bolš padrychtavanymi redakcyjami, jakija majuć adpaviednych śpiecyjalistaŭ, technałohii i razumieńnie, jak pracuje hetaje novaje asiarodździe dla taho, kab infarmacyju pravodzić nie tolki ŭ drukavanych ŚMI, ale i va ŭsich astatnich sučasnych kamunikacyjnych asiarodździach, dzie siońnia prysutničaje naš čałaviek».
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy6
Kamientary