Trapičnyja cykłony zahubili ŭ Paŭdniova-Uschodniaj Azii bolš za 1200 čałaviek
Trapičnyja cykłony «Dzitva» i «Sieńjar» zabrali žyćci bolš za 1200 čałaviek. Pavodle infarmacyi miascovych ŚMI, usie hetyja ludzi zahinuli ŭ vyniku razburalnych pavodak u Indaniezii, Šry-Łancy, Małajzii i Tajłandzie. Bolš za miljon čałaviek byli vymušanyja pakinuć svaje damy.
Škoda, naniesienaja stychijaj na Šry-Łancy, stała samaj surjoznaj z časoŭ žudasnaha cunami 2004 hoda. Razmytyja darohi i masty, razburanyja bolš za 15 tysiač damoŭ.
Paviedamlajecca, što Indyja dazvoliła Pakistanu vykarystoŭvać svaju pavietranuju prastoru dla nadańnia humanitarnaj dapamohi Šry-Łancy, niahledziačy na napružanaść, jakaja zachoŭvajecca pamiž krainami.
Na indaniezijskim vostravie Sumatra kolkaść zahinułych u vyniku cykłona vyrasła da 702, źnikłymi bieź viestak ličacca 499 čałaviek, paviedamlaje nacyjanalnaje pošukavaje i vyratavalnaje ahienctva Indaniezii.
Uvohule kolkaść achviar praciahvaje raści, sotni čałaviek ličacca źnikłymi bieź viestak, a dostup ratavalnikaŭ u paciarpiełyja rajony zastajecca składanym.
Kamientary