U Śledčym kamitecie 21 červienia pryniali delehacyju ź Iraka. U sustrečy pryniali ŭdzieł supracoŭniki hałoŭnaha śledčaha ŭpraŭleńnia samoha SK, MZS, Dziaržaŭnaha pamiežnaha kamitetu i centra «Sistemnaja pravaabarona».
Irakskamu boku pieradali infarmacyju, jakuju za hety čas naźbirali pa kryminalnaj spravie, zaviedzienaj u suviazi ź nibyta ździejśnienymi słužbovymi i inšymi asobami Polščy supraćpraŭnych žorstkich dziejańniaŭ u dačynieńni da mihrantaŭ z krain Blizkaha Uschodu i Afhanistana.
Pavodle SK, im zafiksavanyja «złačynnyja dziejańni» ŭ dačynieńni da 135 hramadzian Iraka, jakija «atrymali cialesnyja paškodžańni ŭ vyniku prymianieńnia da ich hvałtu i śpiecyjalnych srodkaŭ polskimi siłavikami». Taksama rasśledujecca 3 fakty nibyta «pryčynieńnia cialesnych paškodžańniaŭ i niezakonnaha vypravadžeńnia z terytoryi Jeŭrasajuza ŭ Respubliku Biełaruś, jakija pryviali da hibieli paciarpiełych irakskaha pachodžańnia».
Charakterna, što ŭ kamplekt materyjałaŭ, pieradadzienych biełaruskim SK irakskim pradstaŭnikam, uvachodziać i zusim nievierahodnyja, nie paćvierdžanyja nijakimi faktami pakazańni polskaha deziercira Emila Čečki pra nibyta ździajśnieńni palakami masavych pakarańniaŭ mihrantaŭ śmierciu i tajemnych pachavańniach. Sam Čečka ŭ sakaviku 2022 hoda byŭ znojdzieny paviešanym i pachavany ŭ Biełarusi.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary