Cichanoŭskaja źviarnułasia da pradstaŭnikoŭ biznesu: Ja viedaju canu i vašaha maŭčańnia, i vašaha słova
Demakratyčnaja lidarka Biełarusi źviarnułasia da pradstaŭnikoŭ biełaruskaha biznesu.
«Ja razumieju, što biełaruskija pradprymalniki znachodziacca na minnym poli. Z pačatku vajny biełaruski pašpart sam pa sabie moža stać pryčynaj błakavańniaŭ rachunkaŭ u roznych krainach. Pry hetym publičnyja vykazvańni abo dziejańni dla mnohich z vas mamientalna adbivajucca na rabotnikach i ofisach u Biełarusi. A maŭčańnie ab tym, što adbyvajecca, moža być uspryniataje Zachadam jak padtrymka režymu, i paciahnuć sankcyi. Ja viedaju canu i vašaha maŭčańnia, i vašaha słova».
«Kab być pobač z vami ŭ składanych pytańniach, my stvarajem rabočuju hrupu pa pytańniach biełaruskaha biznesu. Ja prašu vašaha mierkavańnia i parady pra toje, jakija prablemy jana pavinna vyrašać, a mahčyma, i chto ŭ jaje moža ŭvajści. My doŭha šukali pradstaŭnika biznesu ŭ takuju hrupu, pakul adzin z vas nie skazaŭ, što dastatkova pačać z dobraha jurysta. Tamu ŭ hetuju hrupu ŭvachodzić maja novaja pradstaŭnica pa pravavych pytańniach — Śviatłana Babincava.
Ja razumieju, što heta nie tema dla abmierkavańnia ŭ kamientaryjach —pišycie na poštu, jakuju my zapuścili śpiecyjalna dla pytańniaŭ biznesu: [email protected]. Vy taksama možacie kantaktavać praz členaŭ majoj kamandy, jakich viedajecie. Možacie być upeŭnienyja: usia infarmacyja, jakuju vy prosicie pieradać, dasiahaje svajoj mety».
Chto taja Alina, ź jakoj Łukašenka tancavaŭ hetym razam na navahodnim bali18
Kamientary