Ціханоўская звярнулася да прадстаўнікоў бізнэсу: Я ведаю цану і вашага маўчання, і вашага слова
Дэмакратычная лідарка Беларусі звярнулася да прадстаўнікоў беларускага бізнэсу.
«Я разумею, што беларускія прадпрымальнікі знаходзяцца на мінным полі. З пачатку вайны беларускі пашпарт сам па сабе можа стаць прычынай блакаванняў рахункаў у розных краінах. Пры гэтым публічныя выказванні або дзеянні для многіх з вас маментальна адбіваюцца на работніках і офісах у Беларусі. А маўчанне аб тым, што адбываецца, можа быць успрынятае Захадам як падтрымка рэжыму, і пацягнуць санкцыі. Я ведаю цану і вашага маўчання, і вашага слова».
«Каб быць побач з вамі ў складаных пытаннях, мы ствараем рабочую групу па пытаннях беларускага бізнэсу. Я прашу вашага меркавання і парады пра тое, якія праблемы яна павінна вырашаць, а магчыма, і хто ў яе можа ўвайсці. Мы доўга шукалі прадстаўніка бізнэсу ў такую групу, пакуль адзін з вас не сказаў, што дастаткова пачаць з добрага юрыста. Таму ў гэтую групу ўваходзіць мая новая прадстаўніца па прававых пытаннях — Святлана Бабінцава.
Я разумею, што гэта не тэма для абмеркавання ў каментарыях —пішыце на пошту, якую мы запусцілі спецыяльна для пытанняў бізнэсу: [email protected]. Вы таксама можаце кантактаваць праз членаў маёй каманды, якіх ведаеце. Можаце быць упэўненыя: уся інфармацыя, якую вы просіце перадаць, дасягае сваёй мэты».
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам3
Каментары