U noč na 24 červienia adznačajecca narodnaje śviata letniaha soncastajańnia. Sabrali niekalki varyjantaŭ dla biełarusaŭ unutry krainy i za miažoj, dzie ŭ piatnicu i na vychodnyja možna adśviatkavać Kupalle z karahodami i skokami praz vohnišča.
Muziej Janki Kupały
Litaraturny muziej zaprašaje na «Kupalskaju noč u Kupałavym domie», jakaja adbudziecca napiaredadni dnia naradžeńnia paeta.
U prahramie śviata: tradycyjny kupalski viečar z udziełam falkłornaha hurta «Etnasupołka» Biełaruskaha dziaržaŭnaha ŭniviersiteta kultury i mastactvaŭ, z majstar-kłasami pa placieńni kupalskich viankoŭ i staradaŭnimi pieśniami i tancami.
Kali: 24 červienia ŭ 18:30.
Kvitok: uvachod volny.
Suła
U parku-muziei interaktyŭnaj historyi naviednikaŭ čakajuć tradycyjnyja hulni, spabornictvy i raznastajnyja animacyjnyja kropki, jakija znajomiać sa staronkami staradaŭniaha letniaha śviata.
Jakija kupalskija tradacyi buduć u prahramie? Hulni i majstar-kłasy pa siaredniaviečnych tancach, vyprabavańni siły i sprytu, karahody, sustreča ź piersanažami biełaruskaj mifałohii. I, kaniečnie ž, raspalvańnie śviatočnaha vohnišča i skoki praz ahoń.
Kali: 25 i 26 červienia, 2, 3, 9 i 10 lipienia.
Kvitok: dla darosłych — 25 rubloŭ (kali padpisacca na adnu z sacsietak parka — 20 rubloŭ), dla dziaciej — 15 rubloŭ, da 7 hod — biaspłatna.
Muziej narodnaj architektury i pobytu
«Mienavita ŭ kupalskuju noč kožny prahnuŭ adšukać paparać-kvietku i avałodać usimi viedami ziamli. A viadźmarki i čaraŭniki karystalisia mahčymaściu pieratvarycca na adnu noč u źmiej, kab narabić škody ludziam», — zavablivaje muziej.
Tut taksama možna adśviatkavać Kupalle pa narodnych tradycyjach. Placieńnie viankoŭ, šeście z tradycyjnymi pieśniami, vohnišča i karahody, varažba na viankach i zielaninie… U prahramie taksama majstar-kłas pa tradycyjnych tancach pad biełaruskija narodnyja instrumienty i vystupleńni falkłornych kalektyvaŭ.
Kali: 25 červienia z 18-j da 21-j hadziny.
Kvitok: dla darosłych — 10 rubloŭ, dla studentaŭ VNU — 6 rubloŭ, dla školnikaŭ, navučencaŭ prafiesijna-techničnych, siarednie-śpiecyjalnych ustanoŭ adukacyi — 4,5 rubla, dla daškolnikaŭ — biaspłatna.
Dla biełarusaŭ za miažoj: Vilnia
U parku pałaca ŭ Verkach pad lipami buduć adznačać mistyčnaje śviata samaj karotkaj nočy.
Naviednikam prapanujuć pašukać paparać-kvietku, spleści vianki, sabrać travy z łuhoŭ, patančyć kala vohnišča, zapuścić vianki ŭ Vialli, paśpiavać i pasłuchać narodnyja śpievy.
Darečy, u Litvie taksama Ëninies, Kupalle — aficyjny vychodny.
Kali: 24 červienia z 19-j hadziny.
Kvitok: uvachod volny.
Śviatkańni Kupalla buduć taksama napačatku lipienia (jak u krainie, tak i ŭ dyjasparach), dakładnaja prahrama i miescy buduć viadomy paźniej.
-
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
-
Biełaruskija litaratary siońnia ŭ Dzień rodnaj movy praviaduć dyktoŭki
-
«Ździek z tvora Uładzimira Siamionaviča». Hledačy ŭ šoku ad premjer pa Karatkieviču ŭ RTBD i Homielskim moładzievym teatry, nie ŭsie dasiedžvajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary