Rasija za adny vychadnyja vypuściła pa Ukrainie rakiet na sumu kala 200 miljonaŭ dalaraŭ
U apošnija vychadnyja červienia Rasija aktyvizavała rakietnyja abstreły Ukrainy. Ahułam za 25—26 červienia z boku Rasii i Biełarusi było vypuščana ad 60 da 80 dalnabojnych rakiet, jakija kaštujuć kala 200 młn dalaraŭ. Takuju acenku ich koštu zrabiŭ ukrainski Forbes.
Kolkaść rakiet paličyli ŭ adpaviednaści z paviedamleńniami pavietranych siłaŭ USU. Rasijanie vykarystoŭvali amal usie najaŭnyja ŭ ich typy rakiet: «Točka-U», Ch-22, «Oniks», «Iskander», «Kalibr» i Ch-101.
Dla raźliku koštu hetych rakiet Forbes vykarystaŭ takija acenki: košt rakiety Ch-101 — 13 młn dalaraŭ, «Kalibr» — 6,5 młn dalaraŭ, «Iskander» — 3 młn dalaraŭ, «Oniks» — 1,25 młn dalaraŭ, Ch-22 — 1 młn, «Točka-U» — 0,3 młn.
U niekatorych vypadkach nieviadomymi zastajucca kolkaść vypuščanych rakiet abo ich raźmierkavańnie pa typach.
Uličvajučy heta, niemahčyma vyznačyć dakładny ahulny košt rasijskich rakiet, jakija vypuścili pa Ukrainie za vychadnyja. Ale, pavodle acenki Forbes, jon moža składać ad 150 młn da 220 młn dalaraŭ.
Prezident Ukrainy Uładzimir Zialenski 27 červienia paviedamiŭ, što Rasija vykarystała suprać Ukrainy ŭžo amal 2800 roznych kryłatych rakiet. «Kolkaść avijabombaŭ, snaradaŭ reaktyŭnaj artyleryi, jakija bjuć pa našych haradach, prosta nie paddajecca padliku. Ich sotni tysiač za čatyry miesiacy vajny. Heta nie što inšaje, jak teror», — padkreśliŭ jon.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary