Biełaruskija miedyki zmohuć vykarystoŭvać sproščanuju praceduru pracaŭładkavańnia ŭ Polščy
Pra heta ministr achovy zdaroŭja Polščy Adam Niadzielski damoviŭsia sa Śviatłanaj Cichanoŭskaj padčas sustrečy ŭ Varšavie, u jakoj taksama ŭdzielničaŭ pradstaŭnik Fondu miedycynskaj salidarnaści.
Pra detali sustrečy paviedamiŭ Ofis Śviatłany Cichanoŭskaj.
Sprava ŭ tym, što daktary ŭ luboj krainie pavinny prachodzić składanuju praceduru nastryfikacyi dypłomaŭ, paćviardžeńnie adukacyi, kvalifikacyi i vopytu. Hety praces dla biełaruskich daktaroŭ taksama ŭskładniajecca adsutnaściu mahčymaści atrymańnia šerahu dakumientaŭ ź biełaruskich orhanaŭ (Minzdaroŭja, MZS) abo ŭstanoŭ (univiersitety).
Ministr prainfarmavaŭ Cichanoŭskuju, što 795 miedykaŭ ź Biełarusi ŭžo atrymali dazvoły na pracu ŭ Polščy.
Ministr Niadzielski i Cichanoŭskaja damovilisia, što ŭžo ŭ nastupnyja tydni Ministerstva pradstavić sproščanuju schiemu atrymańnia dazvołu na praktyku dla biełaruskich daktaroŭ. Ofis Śviatłany Cichanoŭskaj apublikuje infarmacyju ab pracedury, paviedamlaje jaho pradstaŭnica Hanna Krasulina.
Ministerstva achovy zdaroŭja Polščy razhledzić mahčymaść spraścić patrabavańni da dakumientaŭ. Usia infarmacyja pra heta budzie publikavacca Fondam miedycynskaj salidarnaści
Ministr zapeŭniŭ Cichanoŭskuju, što Ministerstva zacikaŭlenaje ŭ stvareńni dobrych umoŭ dla pracy biełaruskich daktaroŭ.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu53
Kamientary
Kali niedzie źjaŭlajecca sproščanaja pracedura pracaŭładkavańnia, dyk jedzie ŭźniknie ŭskładnienaja pracedura zvalnieńnia.
A tak prijechał srazu v Polšu, VNŽ dajut, živi siebie. A činovniki v RB pusť triebujut, čto chotiat. Ludi užie zahraniciej budut