Byłaja palitźniavolenaja Natalla Chierše paviedamiła ŭ Facebook, što viarnuła sabie adnu sa svaich košak.
Padčas źniavoleńnia žančyny ŭ Biełarus traich jaje hadavancaŭ haspadary šviejcarskaj kvatery addali inšym ludziam.
«Lili i Simba — u žančyny ź Jonšvila. Moj pamierły muž padaryŭ mnie hetych dvuch katoŭ u 2009 hodzie. Jany žyli sa mnoj doŭhi čas i dapamahli mnie prajści praź niekalki žyćciovych kryzisaŭ. Na žal, žančyna abyjakavaja da majoj historyi i zastajecca bieskampramisnaj. Jana kupiła katoŭ u minułym vieraśni za sto frankaŭ. Ciapier u jaje čatyry katy. Jana nie pakidaje mnie šancaŭ, i ŭ mianie niama sił zmahacca», — pisała Chierše.
Jana zdoleła damovicca z druhim haspadarom z Arbona. Jaho hałoŭnaje patrabavańnie było — atrymać hrošy na novaha «brytanca».
«Ja žyvu na piensiju ŭdavy i źbieražeńni, taksama ŭ mianie jość dačka, jakoj patrabujecca padtrymka, tamu ja nie viedaju, jakim budzie majo finansavaje stanovišča ŭ budučyni. Tamu ja źbiraju tut 1425 frankaŭ (kala 1490 dalaraŭ. — NN), kab vykupić svajho kata. Vielmi spadziavajusia na vašu dapamohu, kab jak maha chutčej uziać na ruki svaju Šanel».
Chierše padziakavała ŭsim, chto dapamoh joj z hrašyma. Koška Šanel ciapier z haspadyniaj.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary