Ukrainskaja raźviedka: Rasija vykarystała da 60% zapasaŭ vysokadakładnaj zbroi
Pavodle acenak Hałoŭnaha ŭpraŭleńnia raźviedki (HUR) Minabarony Ukrainy, Rasija vykarystała 55-60% zapasaŭ vysokadakładnaj zbroi, jakija mieła da pačatku šyrokamaštabnaha ŭvarvańnia. Pra heta na bryfinhu zajaviŭ namieśnik staršyni HUR Vadzim Skibicki.
«Adnosna vysokadakładnaha ŭzbrajeńnia — heta sistemy «Iskander», «Kalibr», kryłatyja rakiety pavietranaha bazavańnia Ch-101, Ch-555 — to, pa našych padlikach, na siońniašni dzień vykarystana ad 55% da 60% tych zapasaŭ, jakija byli da vajny», — skazaŭ Skibicki.
Bolš za ŭsio, pa jahonych słovach, vykarystana rakiet kompleksa «Iskander», ich prymianieńnia rasijanami daŭno nie było.
Skibicki adznačyŭ, što mnohija składniki rasijskich rakiet — zamiežnaj vytvorčaści, i praz sankcyi Rasija pakul nie moža ich atrymać.
«Ale jość vielmi vialikija zapasy staroha savieckaha ŭzbrajeńnia. Heta i kryłatyja rakiety, tyja ž Ch-22… Heta poŭny nabor reaktyŭnych snaradaŭ: «Śmierč», «Urahan», «Hrad», roznyja avijacyjnyja bomby… Hetyja zapasy vielmi vialikija, i padličyć, kolki ich zastałosia, vielmi składana», — skazaŭ namieśnik staršyni HUR.
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary