U niadaŭnim strymie Valera Capkały, aproč hučnych palityčnych zajaŭ, źviartaje ŭvahu i inšy fakt. Chočučy prynizić apanienta ci pakazać słabaść jaho pazicyi, Capkała akcentuje ŭvahu na biełaruskamoŭnaści adkazaŭ i pieradražnivaje ich u źniavažlivaj maniery.
Tak palityk zhadaŭ admovu štaba padtrymać jaho zbor hrošaj na aryšt Łukašenki:
«Kohda my priedłožili eto, znajetie, čto mnie skazali? «Heta moža naškodzić našaj reputacyi». Kohda my vsie-taki etu iniciativu objavili, ja hovoriu: kakoj rieputacii? My priedłahajem jeho ariestovať za konkrietnyje dieła, za konkrietnyje priestuplenija. Posmotritie, sidiat ludi, sotni ludiej ni za čto, v tom čiśle Sierhiej Tichanovskij, a vy hovoritie, eto naškodzić reputacyi».
Kali Capkała aburaŭsia, što mała ŭvahi nadajecca Biełaruskamu žanočamu fondu, jaki ŭznačalvaje jaho žonka, jon taksama padkreślivaŭ biełaruskamoŭnaść apanientaŭ.
«Na vopros, počiemu priessa biełarusskaja nie ośvieŝajet kołossalnuju rabotu, kotoruju vy prodiełali. «A heta, napeŭna, nie cikava», — był otviet. Nie cikava, kakije ispytanija prošli biełarusskije žienŝiny, nie cikava to, čto otpravili v mieždunarodnyj sud v Haahie. Heta ŭsio nie cikava dla nich», — z kpinam pramoviŭ Capkała.
Biełaruskamoŭnyja adkazy apanientaŭ u źniavažlivaj maniery paŭtarała i Anžalika Ahurbaš.
«Śvietłana Tichanovskaja nie možiet koncientrirovať vsiu pomoŝ, kotoraje vydielajetsia na vsie diemokratičieskoje soobŝiestvo i na vsiech politzaklučiennych, i pri etom jeŝie hovoriť, čto oni voobŝie nie viedajuć, dzie hrošy i kudy jany iduć», — vykazvałasia śpiavačka.
Kali padčas pieradvybarčaj kampanii ŭ 2020-m Valer Capkała sustrakaŭsia z žycharami Hrodna, to kazaŭ, što budzie padciahvać biełaruskuju movu, a pakul saromiejecca na joj havaryć.
«Ja, kaniečnie, abiacaju, što budu padciahvać. Ja kryšku saromiejusia pakul razmaŭlać, ale mnie treba hety niedachop… Ja ŭračysta abiacaju, što ja jaho vielmi-vielmi chutka likviduju. Prosta nie było nieabchodnaści ŭ pracy. Ja ciapier razumieju, što nieabchodna budzie ŭ budučyni pakazvać prykład vykarystoŭvańnia nacyjanalnaj movy», — vystupaŭ palityk.
Kamientary