Guardian: Žychary Maskvy sprabujuć adklučycca ad vajny, šmat u kaho heta atrymlivajecca
Vajna Rasii va Ukrainie idzie ŭžo piaty miesiac, ale stalica robić usio mahčymaje, kab zakryć vočy na kanflikt, piša brytanskaja hazieta.
«Hetaje leta, prapitanaje šampanskim, — samaje zvyčajnaje ŭ rasijskaj stalicy, niahledziačy na tysiačy zabitych i značna bolš paranienych na vajnie, usio čaściej adznačanaj aktami dzikaj biaźlitasnaści», — pieradaje z Maskvy karespandent Endru Rot. Jahony artykuł pierakazvaje BBC.
«Prahulajciesia pa horadzie ci ŭklučycie VPN, kab prahartać stužku ŭ instahramie ci fejsbuku, i možna navat nie zaŭvažyć, što kraina znachodzicca ŭ stanie vajny — słova, jakoje rasijskaja cenzura zabaraniła ŭ miascovych ŚMI i jakoje navat siarod šmatlikich siabroŭ stała tabujavanym», — praciahvaje jon.
Kali ŭ sakaviku rasijanie byli šakavanyja pačatkam vajny, to da červienia tych, chto nazyvaŭ padziei va Ukrainie samaj važnaj biahučaj prablemaj dla krainy, stała značna mienš.
I šmat kamu značna lahčej dałučycca da «mejnstrymu» — padtrymcy abo abyjakavamu staŭleńniu da vajny.
Jak śćviardžajuć sacyjołahi, ludzi nazyvajuć heta najbolš zručnaj pazicyjaj, jakaja nie patrabuje ad ich nazirać ci, hałoŭnaje, dumać.
Pa nazirańniach karespandenta Guardian, Maskva adčajna sprabuje zrabić vyhlad, što ŭ horadzie ŭsio ŭ paradku, ekanamičnyja sankcyi — nie pieraškoda, a sychod zachodnich pradpryjemstvaŭ i firm — naohuł pośpiech. Były kaliści pieršym u krainie «Makdonałds» na Ćviarskoj vulicy ciapier pierajmienavany ŭ «Smačna i kropka»: kłon amierykanskaha brenda nie tolki praciahvaje karmić maskvičoŭ, ale i płacić niekatorym ź ich zarobak.
Endru Rot pryvodzić słovy adnaho z naviedvalnikaŭ restarana: «My ŭsio heta — ježu, dyzajn — možam zrabić i sami, biez zachodnich haspadaroŭ. Spadziajusia, ich naohuł usich adsiul pavykidvajuć».
Niekatoryja maskvičy pryznajucca, što prosta pierastali zakranać dalikatnuju temu ŭkrainskaj «śpiecapieracyi», kab zachavać adnosiny ź siabrami i svajakami. Inšyja achvotna abvinavačvajuć «zachodniuju prapahandu» i śćviardžajuć, što im niama čaho saromiecca, i ŭ lubym vypadku, paŭpłyvać na chod padziej jany nie ŭ stanie.
Vybar u rasijan niebahaty, nahadvaje hazieta, pryvodziačy ŭ jakaści ilustracyi prykład Alaksieja Horynava — deputata Massavieta, jaki vystupaŭ suprać vajny i asudžanaha ŭ pačatku lipienia na siem hadoŭ za «dyskredytacyju rasijskaha vojska».
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
nu moža heta i dobra