Вайна11

Guardian: Жыхары Масквы спрабуюць адключыцца ад вайны, шмат у каго гэта атрымліваецца

Вайна Расіі ва Украіне ідзе ўжо пяты месяц, але сталіца робіць усё магчымае, каб закрыць вочы на ​​канфлікт, піша брытанская газета.

«Гэтае лета, прапітанае шампанскім, — самае звычайнае ў расійскай сталіцы, нягледзячы на ​​тысячы забітых і значна больш параненых на вайне, усё часцей адзначанай актамі дзікай бязлітаснасці», — перадае з Масквы карэспандэнт Эндру Рот. Ягоны артыкул пераказвае BBC.

«Прагуляйцеся па горадзе ці ўключыце VPN, каб прагартаць стужку ў інстаграме ці фэйсбуку, і можна нават не заўважыць, што краіна знаходзіцца ў стане вайны — слова, якое расійская цэнзура забараніла ў мясцовых СМІ і якое нават сярод шматлікіх сяброў стала табуяваным», — працягвае ён.

Калі ў сакавіку расіяне былі шакаваныя пачаткам вайны, то да чэрвеня тых, хто называў падзеі ва Украіне самай важнай бягучай праблемай для краіны, стала значна менш.

І шмат каму значна лягчэй далучыцца да «мэйнстрыму» — падтрымцы або абыякаваму стаўленню да вайны.

Як сцвярджаюць сацыёлагі, людзі называюць гэта найбольш зручнай пазіцыяй, якая не патрабуе ад іх назіраць ці, галоўнае, думаць.

Па назіраннях карэспандэнта Guardian, Масква адчайна спрабуе зрабіць выгляд, што ў горадзе ўсё ў парадку, эканамічныя санкцыі — не перашкода, а сыход заходніх прадпрыемстваў і фірм — наогул поспех. Былы калісьці першым у краіне «Макдоналдс» на Цвярской вуліцы цяпер перайменаваны ў «Смачна і кропка»: клон амерыканскага брэнда не толькі працягвае карміць масквічоў, але і плаціць некаторым з іх заробак.

Эндру Рот прыводзіць словы аднаго з наведвальнікаў рэстарана: «Мы ўсё гэта — ежу, дызайн — можам зрабіць і самі, без заходніх гаспадароў. Спадзяюся, іх наогул усіх адсюль павыкідваюць».

Некаторыя масквічы прызнаюцца, што проста перасталі закранаць далікатную тэму ўкраінскай «спецаперацыі», каб захаваць адносіны з сябрамі і сваякамі. Іншыя ахвотна абвінавачваюць «заходнюю прапаганду» і сцвярджаюць, што ім няма чаго саромецца, і ў любым выпадку, паўплываць на ход падзей яны не ў стане.

Выбар у расіян небагаты, нагадвае газета, прыводзячы ў якасці ілюстрацыі прыклад Аляксея Горынава — дэпутата Массавета, які выступаў супраць вайны і асуджанага ў пачатку ліпеня на сем гадоў за «дыскрэдытацыю расійскага войска».

Каментары1

  • -
    30.07.2022
    а беларусаў, як заўжды, ніхто не заўважае
    ну можа гэта і добра

Цяпер чытаюць

Арыштаваны дырэктар Палаца Рэспублікі, адзін з арганізатараў Марафона адзінства6

Арыштаваны дырэктар Палаца Рэспублікі, адзін з арганізатараў Марафона адзінства

Усе навіны →
Усе навіны

Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят20

Алену Богдан вярнулі з Расіі і паставілі на ранейшую топ-пасаду ў Мінздароўя3

Два дні спёкі, а потым крыху пахаладае

«Гэта паклёп!» Меланія Трамп збіраецца ў суд супраць Хантэра Байдэна з іскам на $1 млрд

Самую дарагую кватэру ў Мінску ў ліпені прадалі за 630 тысяч даляраў

Грозеў расказаў, што адрознівае заходнія спецслужбы ад расійскіх7

У Растове-на-Доне адбыўся выбух. У жылы дом мог трапіць дрон

«Мы павінны быць гатовыя»: Наўседа заявіў пра магчымасць удзелу Літвы ў абароне Украіны9

У ЕГУ можна паступіць у магістратуру на перспектыўную еўрапейскую спецыяльнасць. Расказваем як

больш чытаных навін
больш лайканых навін

Арыштаваны дырэктар Палаца Рэспублікі, адзін з арганізатараў Марафона адзінства6

Арыштаваны дырэктар Палаца Рэспублікі, адзін з арганізатараў Марафона адзінства

Галоўнае
Усе навіны →

Заўвага:

 

 

 

 

Закрыць Паведаміць