Adzin z enierhabłokaŭ Zaparožskaj AES ad ranicy adklučany. Rasijskija vajskoŭcy zaniali tam padvały
Dvajny abstreł AES rasijskimi vojskami 5 žniŭnia vyklikaŭ surjoznyja ryzyki dla biaśpiečnaha funkcyjanavańnia stancyi, paviedamlaje «Enierhaatam».
U vyniku ataki na Zaparožskuju AES, na adnym z enierhabłokaŭ spracavała avaryjnaja abarona, z ranicy adklučany adzin z troch pracujučych enierhabłokaŭ.
«U vyniku abstrełaŭ surjozna paškodžanaja azotna-kisłarodnaja stancyja i abjadnany dapamožny korpus. Zastajucca ryzyki ŭciečki vadarodu i raspyleńnia radyjeaktyŭnych rečyvaŭ, taksama vysokaja pažarnaja niebiaśpieka», — paviedamiŭ «Enierhaatam».
U ciapierašni čas nastupstvy paškodžańniaŭ likvidujucca.
Zaparožskaja AES dahetul kantralujecca rasijskimi vajskoŭcami.
Zaraz stancyja praciahvaje pracavać i vypracoŭvać elektraenierhiju dla patreb enierhasistemy Ukrainy.
Paviedamlajecca taksama, što rasijskija vajskoŭcy na Zaparožskaj AES zaniali ŭsie padvalnyja pamiaškańni, dzie chavajucca ad abstrełaŭ.
Ukrainski piersanał pakul nie maje dostupu da hetych pamiaškańniaŭ, tamu ŭ vypadku novych abstrełaŭ ludzi nie majuć schovišča i znachodziacca ŭ niebiaśpiecy.
Rasijskija vojski mahli zaminiravać Zaparožskuju AES — The Insider
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary