Prezident Turcyi Redžep Taip Erdahan ličyć, što damoŭlenaść dla razbłakavańnia ekspartu zbožža z ukrainskich partoŭ stvaraje spryjalnuju hlebu dla bolš šyrokich pieramovaŭ pamiž Kijevam i Kramlom, i vykazaŭ hatoŭnaść pryniać sustreču Pucina i Zialenskaha ŭ Stambule. Pra heta jon zajaviŭ paśla sustrečy z prezidentam RF Uładzimiram Pucinym u Sočy, piša «Jeŭrapiejskaja praŭda» sa spasyłkaj na Anadolu.
«Ciapier važna ŭvasablać hety płan (damoŭlenaść pa zbožžy — Red.) i transfarmavać hetuju pazityŭnuju atmaśfieru ŭ kankretnyja kroki dla viartańnia da pieramovaŭ u Stambule. Ja pieršapačatkova adznačaŭ, što ŭ vajnie va Ukrainie nie budzie pieramožcy. Niahledziačy na ciažkaści, ja ŭsio jašče ćviorda pierakanany, što pytańnie vyrašycca za stałom pieramovaŭ. Ja nahadaŭ Pucinu jašče raz, što my možam pryniać jaho sustreču ź Zialenskim», — skazaŭ prezident Turcyi.
Jon dadaŭ, što Ankara praciahnie «prasoŭvać dyjałoh z Rasijaj va ŭsich halinach, kab sadziejničać rehijanalnaj i hłabalnaj stabilnaści».
Paviedamlałasia taksama, što Erdahan pahadziŭsia na častkovuju apłatu za rasijski haz u rublach.
Pa infarmacyi Bloomberg, Pucin razhladaje prezidenta Turcyi jak patencyjnaha pasiarednika ŭ mirnych pieramovach z Ukrainaj.
Pierad sustrečaj zachodnija ŚMI sa spasyłkaj na svaje krynicy paviedamlali, što Pucin maje namier prasić Erdahana dapamahčy RF abychodzić sankcyi Zachadu ŭ enierhietyčnym i finansavym siektarach.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary