U Malinaŭcy čałaviek zapuściŭ plaškaj u akno tralejbusa i paceliŭ
Adzin z čytačoŭ raspavioŭ Onlíner ab viačernim zdareńni ŭ Malinaŭcy. Pavodle jaho słoŭ, učora kala apoŭnačy niećviarozy na vyhlad čałaviek zapuściŭ plaškaj u akno tralejbusa, jaki adjazdžaŭ ad prypynku. Patrapiŭ: akno pabita jak raz na ŭzroŭni pasažyrskaha miesca, dzie paprostu moh chtości siadzieć.
Incydent, jak raspavioŭ śviedka, adbyŭsia na prypynačnym punkcie «paliklinika №25» na vulicy Siarhieja Jasienina ŭ rajonie skryžavańnia z vulicaj Rafijeva.
— Pjany kinuŭ plašku ŭ tralejbus maršrutu №52. Cudam nie paciarpieli, — adznačyŭ čytač.
— Potym hety čałaviek staŭ uciakać. Za im pabieh małady chłopiec u majcy «Achova». Mabyć, z HC Maximus, a moža być, prosta takaja majka ŭ jaho, — raspavioŭ śviedka.
Matyvam takoha ŭčynku, miarkujučy pa ŭsim, stała toje, što čałaviek nie paśpieŭ na tralejbus.
— Jon byŭ vielmi pjany. Kali jon nie paśpieŭ na tralejbus, byŭ čutny śmiech jaho siabroŭ. Ale kali ŭsie vyjšli paśla zdareńnia, ich taksama nie było — uciakli, — kaža surazmoŭca.
Aficyjnaja pradstaŭnica HUUS Mienharvykankama Natalla Hanusievič paćvierdziła, što infarmacyja ab hetym fakcie ŭ milicyju pastupała. Padazravany zatrymany, pravodzicca pravierka.
Kamientary