«Hrodna, uschodnija miežy davajennaj Polščy. 1 vieraśnia 1939 hoda niamieckija samaloty bambiać horad. Adna z bombaŭ traplaje ŭ škołu Lavosia, Evieliny i Tadeka. Litaralna i simvalična zakančvajecca bieskłapotnaje dziacinstva, viesiałość, pieršyja zachapleńni. Lavsiu 12 hadoŭ, jon jaŭrejski chłopčyk, jaki zachaplajecca polskaj niezaležnickaj tradycyjaj», — napisana ŭ apisańni filma na sajcie Fiestyvalu polskich mastackich filmaŭ u Hdyni. Fiestyval projdzie ŭ vieraśni 2022 hoda, a film «Arlaniaty. Hrodna '39» («Orlęta. Grodno '39») udzielničaje ŭ hałoŭnym konkursie.
17 vieraśnia 1939 hoda, pavodle tajemnych saviecka-hiermanskich pahadnieńniaŭ, Čyrvonaja Armija napadaje na Polšču. Horad pačynaje bieznadziejnuju baraćbu. «Mienavita dzieci i moładź hieraična abaraniajuć horad, stanoviačysia achviarami niezvyčajnaj žorstkaści akupantaŭ», — napisana ŭ apisańni stužki.
Režysior užo zdymaŭ film, źviazany ź Biełaruśsiu
Praciahłaść stužki — 1 hadzina 44 chviliny. Režysior i scenaryst filma — Kšyštaf Łukaševič. U hałoŭnych rolach Javita Budnik, Fieliks Matecki, Almira Naŭrat, Bartałamiej Topa.
U filmie «Arlaniaty» zdymalisia hrodzienski žurnalist Rusłan Kulevič i jaho žonka Taćciana.
U 2011 hodzie Kšyštaf Łukaševič źniaŭ film «Žyvie Biełaruś». Stužka była zasnavanaja na realnych padziejach: historyi maładoha apazicyjaniera Franaka Viačorki, jakoha adličyli z univiersiteta i ŭ jakaści pakarańnia pryzvali ŭ vojska.
Film «Arlaniaty. Hrodna '39» finansavali Polski instytut kino i Ministerstva kultury i nacyjanalnaj spadčyny Polščy. Na rekłamu stužki vydatkujuć 540 tysiač złotych (€ 115 tys).
Scenaryj byŭ hatovy ŭ 2018 hodzie. Kšyštaf Łukaševič płanavaŭ vypuścić film jašče ŭ 2019-m — da 80-hodździa savieckaha ŭvarvańnia ŭ Polšču. Ale zdymki pačalisia tolki ŭ vieraśni 2020 hoda.
Film zdymali ŭ niekalkich haradach Polščy. Ale dla asnoŭnych scen abrali Radam. Kinastudyja adnaviła vulicu Daminikanskuju [sučasnaja Savieckaja, — Hrodna.life] i inšyja vulicy Hrodna.
Usie hieroi filma — vydumanyja. Ale ich stvaryli na asnovie zhadak udzielnikaŭ i śviedak abarony Hrodna. Naprykład, abaronca Hrodna Tadzik Jasinski źjavicca ŭ filmie jak Tadzik Jasiukievič.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary