Palitviazień Łatuška: Zajmajusia ruska-biełaruskim słoŭnikam, padciahvaju pa im vałodańnie movaj
Palitźniavoleny Anatol Łatuška dasłaŭ list z-za krataŭ, u jakim raspavioŭ pra svaje spravy i zaniatki ŭ SIZA-1, paviedamlaje «Viasna».
«Sa mnoj amal usio dobra, kali nie ličyć, što ŭ turmie))) Vielmi nie chapaje volnaha pavietra, ale trymajusia, niahledziačy ni na što! Volnaha času tut šmat, a zaniatkaŭ nie vielmi… Hulni, takija jak nardy, damino, pokier i navat šachmaty, mianie nie zachaplajuć, tamu baŭlu čas inšym čynam… Pišu i čytaju listy.
Ciapier zajmajusia ruska-biełaruskim słoŭnikam, padciahvaju pa im vałodańnie movaj! Rablu svoj słoŭnik sa słovami, jakija bolš za ŭsio vykarystoŭvaju. Ale ŭ hetym vypadku da litary «Ł», taki słoŭnik dali mnie ź biblijateki… Jašče pytaŭsia za biełaruskamoŭnuju knihu, bo pa-rusku nie maju žadańnia čytać, dyk mnie dali tvor «Błakadnaja kniha». Vidavočna, vyrašyli, što ŭ mianie nie dastatkova patryjatyzmu))) Nie zdoleŭ pračytać navat dźvie staronki. Spadziavajusia, na tydni pryniasuć štości hodnaje…»
Padtrymajcie palitviaźnia listami salidarnaści: SIZA-1. 220030, h. Minsk, vuł. Vaładarskaha, 2. Anatolu Viktaraviču Łatušku.
Anatol Łatuška — stryječny brat Paŭła Łatuški. Byŭ zatrymany 31 studzienia 2022 hoda. Jamu staviacca ŭ vinu try artykuły Kryminalnaha kodeksa:
Pradjaŭlenyja abvinavačvańni pa:
art. 342, č.1 Kryminalnaha kodeksa — arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich,
art. 370 Kryminalnaha kodeksa — ździek ź dziaržaŭnych simvałaŭ,
art. 339, č. 2 Kryminalnaha kodeksa — chulihanstva, ździejśnienaje hrupaj asob.
Kamientary