Śledčym udałosia pahutaryć z Alaksandram Duhinym, jaki ciapier znachodzicca ŭ balnicy.
Ź fiestyvalu baćka i dačka źjechali na roznych aŭtamabilach. Mašyna z Duhinym jechała amal śledam za dačkoj. Vybuch na pavarocie sa Źvianiharodskaj šašy na Mažajskuju adbyŭsia ŭ jaho na vačach, raspaviadaje kp.ru.
U vybuchovaj pryładzie ŭ mašynie Darji Duhinaj było zakładziena kala 400 hramaŭ traciłu, paviedamiła TASS sa spasyłkaj na pravaachoŭnyja orhany.
Duhin, pavodle vydańnia, śćviardžaje, što jany z dačkoj apošnim časam atrymlivali praz sacsietki mnostva pahroz ad ukrainskich nacyjanalistaŭ, ale nie nadavali im značeńnia.
Učora ŭ Padmaskoŭi ŭzarvali džyp Darji Duhinaj — dački Alaksandra Duhina, fiłosafa-nieanacysta, ideołaha rasijskaha impieryjalizmu. Paviedamlałasia, što ŭ mašynie pavinien byŭ jechać i sam Duhin.
Alaksandra Duhina ličać ideołaham tak zvanaha «ruskaha śvietu». Z 2014 hoda jon ŭniesieny ŭ sankcyjny śpis Jeŭrasajuza, a z 2015-ha i ŭ sankcyjny śpis ZŠA i Kanady.
Darja Duhina zajmałasia žurnalistykaj, fiłasofijaj i palitałohijaj, u lipieni 2022 hoda była ŭklučanaja ŭ sankcyjnyja śpisy Vialikabrytanii.
Zachad, Ukraina, Kreml, Łukašenka? Chto moža stajać za zabojstvam Darji Duhinaj?
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary