Zavod hazietnaj papiery ŭ Škłovie zasvoiŭ vypusk novaj pradukcyi. Ciapier tut vyrablajuć tonkuju afsietnuju papieru, paviedamlaje kancern «Biellespapierpram».
Dla vypusku novaha praduktu zadziejničali pieršuju papierarobnuju mašynu zavoda. Raniej jana śpiecyjalizavałasia na hazietnaj papiery. Rabili jaje z termamiechaničnaj masy, jakuju atrymlivali paśla pierapracoŭki chvojnaj bałansavaj draŭniny.
Pa słovach dyrektara pradpryjemstva Juryja Łuki, paśla dapracoŭki technałahičnaj schiemy vytvorčaści i častkovaj madernizacyi dapamožnaha abstalavańnia na zavodzie zmahli arhanizavać vypusk tonkaj afsietnaj papiery ščylnaściu 40 h/kv.m. Syravinaj dla jaje stała sulfatnaja bielenaja celułoza, jakuju ŭ dastatkovaj kolkaści pastaŭlaje Śvietłahorski celułozna-kardonny kambinat. Takaja papiera vykarystoŭvajecca dla knih, sšytkaŭ i papiery dla płotaraŭ.
Na pradpryjemstvie śćviardžajuć, što pradukcyja nastolki zapatrabavanaja, što častku papiery jany hatovyja adpravić i na ekspart.
-
Kiraŭnik Lachavičaŭ ab pracoŭnych mihrantach u rajonie: Pakistancaŭ pakul nie razhladajem, chacia prapanovy ŭžo zakidvali
-
Biełaruś letaś stała hałoŭnym pastaŭščykom bulby ŭ Rasiju
-
«Ludzi chočuć kłasičnaje. Navošta prydumvać inšaje?» Biełaruska ŭ Varšavie piače torty i pirožnyja sa smakam, jak u dziacinstvie
Kamientary