Rasijski ŭrad čakaje, što zimoj zachodnija sankcyi stanuć jašče bolš adčuvalnymi
Urad Rasii rychtujecca da ŭzmacnieńnia sankcyj Zachadu ŭ najbližejšy čas. Ułady razhledzieli piać asnoŭnych napramkaŭ ŭzmacnieńnia žorstkaści sankcyj Zachadu na stratehičnaj siesii 30 žniŭnia pad kiraŭnictvam premjera Michaiła Mišustina, pišuć «Viedomosti».
Pieršy kirunak tyčycca abmiežavańniaŭ mižnarodnaj mabilnaści rasijan, jakija pačalisia sa skasavańnia sproščanaha vizavaha režymu ź ES i zakryćcia miežaŭ krain Bałtyi. Čynoŭniki taksama razhladajuć pahrozu dla pieramiaščeńnia pradstaŭnikoŭ biznesu, navuki i adukacyi, rastłumačyła blizkaja da ŭrada krynica.
Inšym kirunkam moža być pašyreńnie pieraliku «niedružalubnych» krain za košt uklučeńnia ŭ jaho azijackich handlovych partnioraŭ Rasii i členaŭ Jeŭrazijskaha ekanamičnaha sajuza. Faktyčna praca ŭ hetym kirunku ŭžo idzie: Zachad prapanuje Kitaju i Indyi dałučycca da ŭviadzieńnia stoli cenaŭ rasijskich enierharesursaŭ, a Kazachstan uzhadniaje handal z sankcyjami ZŠA.
Treci kirunak źviazany z pašyreńniem druhasnych sankcyj, ad jakich pacierpiać kampanii, što praciahvajuć pracavać z Rasijaj.
Čaćviorty kirunak — pašyreńnie zabaronienych da pastaŭki ŭ Rasiju tavaraŭ i technałohij. Na siońniašni dzień Rasija nie moža zakuplać niekatoryja typy mašyn, transpartu i abstalavańnia ŭ ES, a ŭ ZŠA — technałohii dla abaronnaj, aerakaśmičnaj i sudnabudaŭničaj halin.
Narešcie, piatym kirunkam mohuć być dadatkovyja abmiežavańni na ekspart enierhanośbitaŭ.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie3
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary