Vychodziać u śviet «Ludzi Lesu» — čaćviortaja kniha fotaarchiva VEHA
Prezientacyja novaha vydańnia niezaležnaj inicyjatyvy VEHA, jakaja pracuje nad zachavańniem vizualnaj historyi Biełarusi, adbudziecca 15 kastryčnika ŭ Varšavie ŭ halereja FAF (Fundacja Archeologia Fotografii), paviedamlaje Reform.by.
Havorka idzie pra novuju knihu, jakaja składajecca sa 133 zdymkaŭ ź siamiejnych archivaŭ i kulturnych instytucyj Biełarusi i Polščy — «Ludzi Lesu». Heta ŭžo čaćviorty prajekt VEHA — paśla našumiełych knih-albomaŭ «Najlepšy bok», «Dziavočy viečar» i «Apošni fotazdymak».
Siońnia inicyjatyva abviaściła ab zaviaršeńni pracy nad novaj knihaj i paznačyła datu i miesca prezientacyi vydańnia: Varšava, 15 kastryčnika, halereja FAF. «Ludzi Lesu» vychodziać na dźviuch movach: anhlijskaj i biełaruskaj. Abjom knihi — 196 staronak.
Uličvajučy abmiežavanuju kolkaść albomaŭ — 100 asobnikaŭ, stvaralniki rajać zrabić pieradzamovu.
Archiŭ VEHA bačyć svajoj zadačaj zbor viernakularnaj (amatarskaj) fatahrafičnaj spadčyny, jakaja dazvolić bolš abjomna ŭbačyć historyju paŭsiadzionnaści biełarusaŭ, abychodziačy filtry aficyjnaha dyskursu. Daśledčyki nie tolki źbirajuć archiŭ pa roznych temach, ale analizujuć i asensoŭvajuć dasłany materyjał.
U knizie «Ludzi Lesu» daślednickich tekstaŭ budzie try: artykuł Lidzii Marcinovič «Biełaruski les jak kulturny łandšaft», Uładzimira Hramoviča «Les-abaronca. Les-vorah» i Anastasii Valkovič «Les i paŭsiadzionnaść biełarusaŭ».
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary