Piaciarych rasijan z-za mabilizacyi źniali ź ciahnika na miažy ź Biełaruśsiu
Piaciarych rasijanaŭ, jakija jechali ź Pieciarburha na ciahniku ŭ Biełaruś, nie vypuścili z krainy. Pra heta «Miedyjazonie» raspavioŭ adzin ź ich, 30-hadovy mužčyna, jakomu pamiežniki zabaranili vyjezd z Rasii.
«Ź ciahnika vyvieli čatyroch mužčyn, pamiežniki viedali proźviščy i miescy kožnaha. Adzin major, dva staršyja lejtenanty i čałavieki čatyry radavyja ŭ maskach», — raspavioŭ małady čałaviek.
Jon dadaŭ, što 8 hadoŭ tamu skončyŭ vajskovuju kafiedru, maje zvańnie lejtenanta zapasu, ale ŭ vojsku nie słužyŭ. Rasijanin źbiraŭsia spačatku dajechać da Minska, a adtul adpravicca ŭ Stambuł.
Pa słovach surazmoŭcy «Miedyjazony», jaho vysadzili na čyhunačnaj stancyi Nieviel-2, apošniaj pierad miažoj ź Biełaruśsiu. Siarod tych, kamu zabaranili vyjezd z Rasii, byŭ 20-hadovy student.
Usim im vydali apaviaščeńni, što vyjezd zabaronieny na padstavie zakona ab mabilizacyi. U dakumiencie havorycca, što pa tłumačeńni treba źviarnucca ŭ vajenkamat pa miescy pastanoŭki na ŭlik.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary