Takija ŭ nas redkaść. U Kałodziščach pradajecca vielmi stylovy dom z panaramnymi voknami i krutym interjeram
Hety dom u Kałodziščach spadabajecca amataram sučasnaj architektury. U jaho łakaničny, ale nie pazbaŭleny elehantnaści fasad, panaramnaje škleńnie, stylny interjer i vydatnaja płaniroŭka. Abjekt cikavy i z punktu hledžańnia inžynieryi — u im jość usio, što zabiaśpiečvaje maksimalny kamfort uładalnikaŭ, piša realt.by.
Dom budavaŭsia pa indyvidualnym architekturnym prajekcie. Jon adnapaviarchovy, z płoskim dacham. Ahulnaja płošča — 175,6 m2. Materyjał ścien — kieramzitabietonnyja błoki z uciapleńniem.
Cokal jak taki adsutničaje, tamu panaramnyja vokny pačynajucca praktyčna ad uzroŭniu admostki.
U adnoj častcy znachodzicca vialikaja haścioŭnia z zonaj kuchni i vychadam na terasu pad dacham-naviesam.
Da centralnaj častki zvonku prybudavany padstrešak nad parkoŭkaj i ŭvachodnaj zonaj. Unutry — choł, dźvie spalni, sanvuzieł i topačnaja.
U treciaj častcy doma raźmiaščajecca spalnia z ułasnymi vannaj i harderobnaj.
Interjer atrymaŭsia sučasnym i praktyčnym. U domie vysokija stoli — 3 mietry. Ścieny i stoli biełyja, na padłohach — śvietłaja plitka.
Aciapleńnie na hazie, u pamiaškańniach stajać kandycyjaniery. Pad aŭtanaviesam praduhledžanaja zaradka dla elektryčnaha aŭto. Jość achoŭnaja sihnalizacyja z tryvožnaj knopkaj i sirenaj.
Terytoryja abharodžanaja dyzajnierskim płotam, na ŭjeździe — varoty z elektrapryvadam i videadamafonam.
Na 15 sotkach — tolki hazon i niekalki darosłych dreŭ. Pad zialonym łužkom možna vyjavić supraćkratovuju sietku, sistemu aŭtapalivu i sistemu drenažu liŭnievaj kanalizacyi. Asobnaj haspadarčaj pabudovy niama — jaje funkcyju vykonvaje techničny pakoj z asobnym uvachodam z vulicy.
U šahavaj dastupnaści dva voziery.
Dom acanili ŭ 429 tysiač dołaraŭ.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary