Prakramloŭskim ŚMI ŭžo razdali «mietadyčki», jak kamientavać padryŭ Krymskaha mosta
Administracyja Uładzimira Pucina ŭžo razasłała rasijskim prapahandystam i dziaržahienctvam rekamiendacyi dla kamientaroŭ na temu siońniašnich vybuchaŭ na Krymskim moście, piša «Mieduza».
Hałoŭnyja tezisy z kramloŭskaj «mietadyčki»:
- Padkreślivać, što most nie razburany, a ŭsiaho tolki paškodžanaje pałatno na aŭtamabilnaj i čyhunačnaj častkach;
- Padrychtoŭka da adnaŭlenčych rabot užo pačałasia;
- Ministerstvam transpartu zapuščanyja novyja łahistyčnyja maršruty;
- Zapracavała Kierčanskaja paromnaja pieraprava.
Miarkujučy pa paviedamleńniach takich praŭładnych rasijskich ŚMI, jak «RIA Novosti» i TASS, «mietadyčki» užo aktyŭna vykarystoŭvajucca.
Ranicaj 8 kastryčnika na Krymskim moście ŭspychnuŭ pažar. Pavodle viersii Antyterarystyčnaha kamiteta RF, tam nibyta ŭzarvali hruzavik, u vyniku čaho zaharelisia siem paliŭnych cysternaŭ čyhunačnaha sastavu. Prezident Rasii Uładzimir Pucin daručyŭ stvaryć uradavuju kamisiju ŭ suviazi z nadzvyčajnym zdareńniem na hetym abjekcie, jaki źjaŭlajecca dla jaho asabliva kaštoŭnym.
U ŚMI paśla źjaviłasia infarmacyja, što za hetym staić Słužba biaśpieki Ukrainy. Niepasredna ŭ SBU hetaha nie paćvierdzili, ale i nie abvierhli.
Pavodle apošnich źviestak, padčas vybuchu zahinuli jak minimum try čałavieki, heta pasažyry lehkavika, jaki apynuŭsia ŭ niepasrednaj blizkaści ad vybuchu. Dva cieły, mužčyny i žančyny, užo dastali z vady.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda4
Kamientary