Jaho raźlik: zavabić inviestaraŭ, a paśla prypisać sabie palapšeńnie ekanamičnaha stanovišča Rasii.
Libieralnymi zajavami pra adkrytaść Rasii dla zamiežnych inviestycyj Uładzimir Pucin pačynaje prezidenckuju kampaniju 2012 hoda.
Vystupajučy na mižnarodnym inviestycyjnym forumie «Rasija kliča», rasijski premjer zrabiŭ całkam «zachodnickija» zajavy. «Rasija zastaniecca rynkavaj, libieralnaj ekanomikaj». «My budziem paśladoŭna praciahvać liniju na stymulavańnie pryvatnaj inicyjatyvy, na intehracyju ŭ suśvietnuju haspadarku, na farmavańnie spryjalnaha inviestycyjnaha klimatu».
Chacia mienavita pry Pucinu i dziakujučy jahonaj palitycy ekanamičnaja reputacyja Rasii siarod inviestaraŭ upała «nižej plintusu», zaraz kraina zacikaŭlenaja ŭ zamiežnych kapitałaŭkładańniach.
Navat kali na chvali ažyŭleńnia suśvietnaj ekanomiki Rasija zdoleje vyjści z kryzisu, hrošaj dla inavacyjnaha ryŭku ŭ jaje niama, i ich nie zabiaśpiečyć novy rost cen na naftu.
Jak pakazali pucinskija 2000-ja hady, navat pry pastajannym roście cenaŭ na naftu Rasija nie ŭ stanie była navat elemientarna madernizavać infrastrukturu – budavać jakasnyja darohi, balnicy, mahistralnyja ciepłatrasy, istotna abnaŭlać žyły fond.
Jość i bolš prazaičnyja ekanamičnyja pryčyny dla taho, kab Pucin pačaŭ zaklikać inviestaraŭ i pryznavać rolu pryvatnaha biźniesu, jaki jon jak prezident paśladoŭna źniščaŭ albo zamykaŭ na blizkich da siabie ludziej. Rasijskim kampanijam treba dzieści zajmać hrošy na raźvićcio (ułasnaja bankaŭskaja sistema hety ambicyi zadavolić nie ŭ stanie). A sama rasijskaja dziaržava, dakładniej, pryvatyzavaŭšyja jaje pucinskija čynoŭniki, nie ŭmiejuć i nie nadta žadajuć efiektyŭna kiravać zachoplenymi aktyvami.
Adna sprava – atrymlivać praktyčna chalaŭny prybytak ad burlivaha rostu cenaŭ na naftu, i zusim inšaja – raźvivać vytvorčaść u postkryzisnaj ekanomicy, restrukturoŭvać nieefiektyŭnyja pradpryjemstvy, mieć spravu ź biespracoŭjem i sacyjalnymi pratestami ŭnutry faktyčna pakinutych u rukach dziaržavy pradpryjemstvaŭ, z sastarełym abstalavańniem i adsutnaściu kvalifikavanych śpiecyjalistaŭ.
Jość i vyklučna palityčnyja pryčyny.
Pucin, jaki adkryta zajaŭlaje pra hatoŭnaść viarnucca na pasadu prezidenta, musić mieć dadatkovyja kozyry dla viartańnia. Adnym z takich kozyraŭ budzie istotnaje palapšeńnie ekanamičnaha stanovišča Rasiii prytok u jaje inviestycyj da 2012 hodu.
Tady Pucin, jaki i zaraz maje rejtynh vyšej za rejtynh Dźmitryja Miadźviedzieva, zmoža pryŭłaščyć łaŭry vyratavalnika Rasii ad kryzisu.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary