U intervju niamieckamu ZDF Uładzimir Zialenski nazvaŭ atačeńnie Pucina ščaniukami i rastłumačyŭ, čamu cyvilizavany śviet admiažoŭvajecca ad Rasii.
«Heta važna, kab jon razumieŭ, što ź im nichto nie budzie havaryć. Kali b ruskaje hramadstva razumieła, nu vy vybrali čałavieka, jaki pahražaje ŭsim nam jadziernaj zbrojaj. Jon zachapiŭ Ukrainu. Tamu treba dakładna skazać, pavažanyja hramadzianie Rasijskaj Fiederacyi, u vas na čale čałaviek, jaki kaža pra jadziernuju zbroju, pra prymianieńnie jadziernaj zbroi. My nie možam ź joj razmaŭlać. I vy ŭsie budziecie pakutavać za heta. I my izalujemsia ad vas, tamu što nie chočam mieć spravu z teraryzmam».
Zialenski dadaŭ, što Ukraina pahodzicca na pieramovy tolki tady, kali RF budzie hatovaja da dyjałohu biez pahroz i aŭtamataŭ, kali akupanty syduć z terytoryi Ukrainy i pierastanuć zabivać mirnych ludziej.
«Vybačajcie mianie, jaho (Pucina) asiarodździe, jaho ščaniuki — jany ž navat nie sabaki — jany prosta ščaniuki. Kali kožny ź ich vypje pa 50 hramaŭ harełki, i kryčyć: «My zaŭtra vykarystajem jadziernuju zbroju!» Što heta naohuł takoje?» — skazaŭ prezident Ukrainy.
«Jon pavinien bajacca — my nie pavinny bajacca, nie Jeŭropa pavinna bajacca», — dadaŭ Zialenski.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary