Rakietnyja batarei SPA Crotale, jakija Francyja rychtujecca adpravić va Ukrainu, buduć asabliva karysnyja ŭ baraćbie ź bieśpiłotnikami i suprać bambardzirovak z pavietra. Pra heta ministr abarony Siebaśćjen Lekarniu zajaviŭ u interviju Le Parisien.
U Francyi 12 takich batarej, skazaŭ ministr. Jon nie ŭdakładniŭ, kolki ź ich adpraviać Ukrainie, ale zajaviŭ, što pastaŭka budzie «važnaj dla taho, kab jany mahli abaranić svajo nieba».
Crotale — ZRK małoj dalokaści, pryznačany dla baraćby z pavietranymi cełymi na siarednich, małych i samych małych vyšyniach z dalokaściu stralby 500-10 000 mietraŭ.
Na hetym tydni stała viadoma, što Ukraina atrymała ad Hiermanii pieršuju z abiacanych čatyroch ustanovak sistemy supraćpavietranaj abarony IRIS-T SLM. Takoj sistemy niama pakul na ŭzbrajeńni navat u samoj niamieckaj armii.
Akramia taho, Francyja pašyryć prahramu navučańnia ŭkrainskich vajskoŭcaŭ. Da dźviuch ich tysiač buduć raźmieščanyja ŭ vajskovych čaściach u Francyi, čarhujučysia dla prachodžańnia tydniovaj bajavoj padrychtoŭki, u tym liku dla navučańnia na abstalavańni, jakoje zabiaśpiečvaje Francyja.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary