Pad Mahilovam vysadzili sasnovy park u vyhladzie piacikancovaj zorki
Novy park zakładzieny ŭ ahraharadku Viejna, što na poŭdzień ad abłasnoha centra. Vysadžanyja drevy źvierchu stvarajuć abrys zorki. Dziŭnaje na pieršy pohlad rašeńnie karaniami sychodzić u siaredzinu XX stahodździa, paviedamlaje Mahiloŭ.media.

Dla akcyi Mahiloŭski lashas pryvioz 151 sasnu, a školniki i miascovyja žychary vysadzili ich kala ŭjezdu ŭ ahraharadok.
Tutejšaje načalstva ličyć, što novyja nasadžeńni na terytoryi Viejnianskaha sielsavieta buduć cikavyja nie tolki jak miesca adpačynku, ale i jak łandšaftny abjekt, što aceniać i miascovyja žychary, i hości ahraharadka.
Kolkaść sadžancaŭ była vyznačana nie vypadkova — mienavita takaja kolkaść pachavańniaŭ zahinułych vajskoŭcaŭ i achviar Druhoj suśvietnaj vajny znachodzicca na mohiłkach kala ahraharadka Viejna.

Akramia znakavaha liku sosnaŭ, simvaličnaj zrabili i formu vysadžanych dreŭ — budučy park ujaŭlaje saboj zorku, dzie razmach pramianioŭ składaje bolš za 50 mietraŭ. Pra aŭtara kancepcyi parku ničoha nie havorycca.
-
Ministr adukacyi raskazaŭ, chto budzie adkazvać za zachavanaść mabilnikaŭ, jakija buduć zabirać u školnikaŭ
-
Bajkier z chvastom. Brescki džek-raseł na matacykle staŭ zorkaj TikTok
-
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj
Kamientary
a potom niekotoryje sujeviernyje riešat, čto bies poputał