Ježa

Chočacie zachoŭvać jabłyki doma? Voś jak heta rabić, kab jany nie zhnili

Vosień — siezon jabłykaŭ, i chto admovicca ad sakavitaha i smačnaha płoda? Na žal, nie zaŭsiody atrymlivajecca zachoŭvać hetuju sadavinu na kuchni na praciahu doŭhaha času. Voś što možna zrabić, kab jabłyki zastavałasia ŭ naležnym stanie doŭhi čas.

Fota: pixabay.com

Jabłyki — duža papularnaja sadavina. Jany smačnyja i karysnyja, ź ich možna narabić šmat roznych stravaŭ. Akramia taho, jabłyki nie nadakučvajuć, bo ŭ ich jość šmat roznych sartoŭ, dziakujučy jakim možna nanava adkryvać dla siabie smak hetaj sadaviny, piša ofeminin.pl.

Jabłyki možna nabyć u mahazinie kruhły hod, ale bolš za ŭsio my lubim tyja płady, jakija atrymlivajem z ułasnaha sadu ci ŭ siezon. Tamu ŭźnikaje pytańnie, jak ža zachavać hetyja samyja smačnyja jabłyki doma jak maha daŭžej.

Pierš za ŭsio, nie varta trymać jabłyki ŭ papiarovych pakietach, bo tam płady buduć chutčej śpieć. Taksama ŭ takich pakietach pamiž jabłykami drenna cyrkuluje pavietra, što taksama spryjaje psavańniu sadaviny.

Jašče adna drennaja ideja — zachoŭvać jabłyki ŭ płastykavych pakietach. Uvohule, dla sadaviny vielmi škodnyja vysokaja tempieratura i suchoje pavietra, tamu lepš jaje nie trymać u chatnich umovach.

Idealny tempieraturny dyjapazon dla jabłykaŭ — heta 1-4 hradusy ciapła, taksama jany dobra zachoŭvajucca va ŭmovach pavyšanaj vilhotnaści. Pry bolš nizkich tempieraturach jabłyki źmierznuć, pry bolš vysokich — buduć zanadta chutka vyśpiavać.

Tamu lepš za ŭsio ich zachoŭvać nastupnym čynam: kali ŭ vas šmat jabłykaŭ, vaźmicie skryni, jakija pradzimajucca, vyścielicie ich hazietami i pakładzicie ŭ ich jabłyki. Adniasicie jabłyki ŭ sklep i pastaŭcie la ich jomistaść vialikaha pamieru z vadoj, kab padtrymlivać vilhotnaść.

Pierad hetym praviercie stan jabłykaŭ: ich skurka nie pavinna być paškodžanaja, na jabłykach nie pavinna być bačnych plamaŭ. Taksama nie myjcie jabłyki pierad zachoŭvańniem, bo inakš my zmyjem ź jabłykaŭ achoŭny słoj, jaki nie daje im zanadta chutka hnić.

Kali skryni stajać adna na adnoj, upeŭniciesia, što jabłykam chapaje miesca i što jany nie prycisnutyja da vierchu skryni. Kali vy žadajecie zachavać jabłyki jak maha daŭžej, lepš za ŭsio zryvać ich z dreva ŭ zasušlivy dzień, a z paškodžanych pładoŭ chutka rabić kampot ci inšyja kansiervavanyja stravy. Tak vy i nie stracicie płady, i budziecie mieć pad rukoj kansiervavanyja narychtoŭki.

Kali ŭ vas niama sklepa, vy možacie adnieści jabłyki ŭ inšaje chałodnaje pamiaškańnie, naprykład, u prychožuju. Heta budzie našmat lepš, čym trymać jabłyki ŭ ciopłaj kuchni.

Ale ž, kali ŭ vas nie nadta šmat jabłykaŭ, vam nie varta turbavacca pra ich zachoŭvańnie. Vykarystajcie častku pładoŭ na praciahu tydnia paśla taho, jak nabyli ich u mahazinie, a reštu zachoŭvajcie ŭ chaładzilniku, kab jabłyki i dalej byli ćviordymi. Nizkaja tempieratura dobra abaronić ich ad škodnych pracesaŭ.

Recept na vychadnyja. Pudynh Jevy — 200-hadovaja brytanskaja strava

Recept na vychadnyja. Jabłyčna-hrušavy krambł — sakavity vosieński desiert

Recept na vychadnyja. Jabłyčny piroh z kroškaj — prosty i smačny

Kamientary

Ciapier čytajuć

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia6

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia

Usie naviny →
Usie naviny

Žłobinski vodakanał nahladna pakazaŭ, čamu nielha kidać vilhotnyja survetki va ŭnitaz9

Bunkiery, układańni ŭ źniešnaść zamiest rozumu. Bajučysia ery štučnaha intelektu, ludzi kidajucca ŭ krajnaści2

U Lidzie da Dnia biełaruskaha piśmienstva źjavilisia łaŭki-pazły

U DTZ pad Ivacevičami zahinuli piać čałaviek

Vens zajaviŭ pra hatoŭnaść Pucina da «vialikich kampramisaŭ» pa Ukrainie6

Kab nabyć kvitok na transpart praz mabilny dadatak, ciapier daviadziecca dapłačvać1

U Nihieryi raskryli machlarskuju schiemu z atrymańniem biełaruskich viz2

Rezka źniziŭsia ŭvoz zachodnich aŭtamabilaŭ praź Biełaruś u Rasiju1

U Loźnienskim rajonie siamja dziesiać hadoŭ adnaŭlała chatu, a paśla ŭvadnačas jaje straciła1

bolš čytanych navin
bolš łajkanych navin

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia6

«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia

Hałoŭnaje
Usie naviny →

Zaŭvaha:

 

 

 

 

Zakryć Paviedamić