Ежа

Хочаце захоўваць яблыкі дома? Вось як гэта рабіць, каб яны не згнілі

Восень — сезон яблыкаў, і хто адмовіцца ад сакавітага і смачнага плода? На жаль, не заўсёды атрымліваецца захоўваць гэтую садавіну на кухні на працягу доўгага часу. Вось што можна зрабіць, каб яблыкі заставалася ў належным стане доўгі час.

Фота: pixabay.com

Яблыкі — дужа папулярная садавіна. Яны смачныя і карысныя, з іх можна нарабіць шмат розных страваў. Акрамя таго, яблыкі не надакучваюць, бо ў іх ёсць шмат розных сартоў, дзякуючы якім можна нанава адкрываць для сябе смак гэтай садавіны, піша ofeminin.pl.

Яблыкі можна набыць у магазіне круглы год, але больш за ўсё мы любім тыя плады, якія атрымліваем з уласнага саду ці ў сезон. Таму ўзнікае пытанне, як жа захаваць гэтыя самыя смачныя яблыкі дома як мага даўжэй.

Перш за ўсё, не варта трымаць яблыкі ў папяровых пакетах, бо там плады будуць хутчэй спець. Таксама ў такіх пакетах паміж яблыкамі дрэнна цыркулюе паветра, што таксама спрыяе псаванню садавіны.

Яшчэ адна дрэнная ідэя — захоўваць яблыкі ў пластыкавых пакетах. Увогуле, для садавіны вельмі шкодныя высокая тэмпература і сухое паветра, таму лепш яе не трымаць у хатніх умовах.

Ідэальны тэмпературны дыяпазон для яблыкаў — гэта 1-4 градусы цяпла, таксама яны добра захоўваюцца ва ўмовах павышанай вільготнасці. Пры больш нізкіх тэмпературах яблыкі змерзнуць, пры больш высокіх — будуць занадта хутка выспяваць.

Таму лепш за ўсё іх захоўваць наступным чынам: калі ў вас шмат яблыкаў, вазьміце скрыні, якія прадзімаюцца, высцеліце іх газетамі і пакладзіце ў іх яблыкі. Аднясіце яблыкі ў склеп і пастаўце ля іх ёмістасць вялікага памеру з вадой, каб падтрымліваць вільготнасць.

Перад гэтым праверце стан яблыкаў: іх скурка не павінна быць пашкоджаная, на яблыках не павінна быць бачных плямаў. Таксама не мыйце яблыкі перад захоўваннем, бо інакш мы змыем з яблыкаў ахоўны слой, які не дае ім занадта хутка гніць.

Калі скрыні стаяць адна на адной, упэўніцеся, што яблыкам хапае месца і што яны не прыціснутыя да верху скрыні. Калі вы жадаеце захаваць яблыкі як мага даўжэй, лепш за ўсё зрываць іх з дрэва ў засушлівы дзень, а з пашкоджаных пладоў хутка рабіць кампот ці іншыя кансерваваныя стравы. Так вы і не страціце плады, і будзеце мець пад рукой кансерваваныя нарыхтоўкі.

Калі ў вас няма склепа, вы можаце аднесці яблыкі ў іншае халоднае памяшканне, напрыклад, у прыхожую. Гэта будзе нашмат лепш, чым трымаць яблыкі ў цёплай кухні.

Але ж, калі ў вас не надта шмат яблыкаў, вам не варта турбавацца пра іх захоўванне. Выкарыстайце частку пладоў на працягу тыдня пасля таго, як набылі іх у магазіне, а рэшту захоўвайце ў халадзільніку, каб яблыкі і далей былі цвёрдымі. Нізкая тэмпература добра абароніць іх ад шкодных працэсаў.

Рэцэпт на выхадныя. Пудынг Евы — 200-гадовая брытанская страва

Рэцэпт на выхадныя. Яблычна-грушавы крамбл — сакавіты восеньскі дэсерт

Рэцэпт на выхадныя. Яблычны пірог з крошкай — просты і смачны

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Усе навіны →
Усе навіны

Мерц чакае зацяжную вайну праз нежаданне Расіі весці перамовы2

Каханак Мельнікавай Аляксей Лабееў служыў у КДБ з 2019 года10

Фатограф-агент з двума пашпартамі здымае беларусаў і іх мерапрыемствы ў Варшаве32

У Смалявіцкім раёне перакулілася маршрутка з пасажырамі

Блогер Сяргей Бяспалаў расказаў, чаму ажаніўся летась, а адсвяткаваў гэта толькі цяпер3

Урад дазволіў завозіць у Беларусь дэфіцытную агародніну з «недружалюбных краін». Робячы добрую міну пры кепскай гульні7

Трамп: Пуцін не разумее, што, калі б не я, з Расіяй ужо шмат рэальна кепскага б здарылася15

«І вось гэта вось зрабілі з народам!» Азаронак выдаў за ўкраінку французскую тыктокерку — усё з-за сіняга і жоўтага8

Класнаму гомельскаму медыяпраекту «Флагшток» трэба фінансавая падтрымка1

больш чытаных навін
больш лайканых навін

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць