U Narviehii zatrymali syna vysokapastaŭlenaha rasijskaha čynoŭnika, paviedamili narviežskija ŚMI. Rasijskamu RBK udałosia vyśvietlić, što zatrymany — syn byłoha kiraŭnika Rasijskaj čyhunki Uładzimira Jakunina Andrej Jakunin, jaki źjaŭlajecca suzasnavalnikam brytanskaha fondu Venture Investments & Yield Management.

Andrej Jakunin byŭ zatrymany ŭ suviazi z zapuskam bieśpiłotnika na archipiełahu Špicbierhien, na jakim syn rasijskaha čynoŭnika znachodziŭsia ŭ žniŭni.
«Andrej zachaplajecca pryrodaj, fatahrafijaj i ekstremalnymi vidami sportu, pra što śviedčyć jaho aktyŭnaść u sacyjalnych sietkach. Andrej, hramadzianin Vialikabrytanii, całkam supracoŭničaje z uładami, kab dać usiu nieabchodnuju infarmacyju adnosna biaskryŭdnych metaŭ jahonaha adpačynku na łodcy», — pryvodzić RBK adkaz na zapyt, nakiravany ŭ kampaniju Jakunina.
Andrej Jakunin byŭ zatrymany 17 kastryčnika ŭ horadzie Chamierfeście, u jaho byli kanfiskavanyja dron i elektronnyja pryłady.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary