Jak časta treba myć vopratku ŭ chałodny siezon? Tłumačym

Kali nastupny raz budziecie nadziavać svaju šapku ci puchavik, padumajcie pra toje, da kolkich brudnych rečaŭ dakranałasia vaša adzieńnie: da siadzieńniaŭ u hramadskim transparcie, dźviarej u handlovych centrach i šmatlikich inšych abjektaŭ, jakimi karystajucca dziasiatki ci sotni ludziej. Ale ž my ŭsio roŭna nie myjem vopratku časta, jak nižniaje adzieńnie, piša Huffpost.

Kali vas heta turbuje, u daktaroŭ jość dla vas dobryja naviny. Zarazicca čymści praz toje, što vaš puchavik daŭno nie byŭ u pralnaj mašynie, nasamreč možna, ale imaviernaść hetaha vielmi nizkaja. Heta datyčyć i adzieńnia, što lažyć u šafie. Kali na im i jość bakteryi, jany pražyvuć nie bolš za niekalki tydniaŭ, virus kavidu ŭvohule vytrymaje nie bolš za dzień.

Bolš šansaŭ u takim vypadku sutyknucca z alerhienami nakštałt pyłavych klaščoŭ ci poŭści chatnich žyvioł. Kali vy trymajecie rečy ŭ miescy z vysokaj vilhotnaściu, na ich moža źjavicca i ćvil. Voś čamu ŭ mižsiezońnie zimovuju vopratku nielha zasoŭvać u pakiety syroj.

Sutyknieńnie z alerhienami moža mieć takija simptomy: čchańnie, nasmark, ślezaciačeńnie i śvierb u vačach. Taksama alerhieny roznaha typu mohuć uzmacnić prajavy astmy ci pahoršyć stan čałavieka z ekzemaj. Kab nie paciarpieć ad hetaha, ekśpierty rajać myć vopratku ŭ haračaj vadzie i vysušvać jaje ŭ sušyłcy.

Što budzie, kali nie myć vopratki?

U hramadskich miescach na adzieńnie traplajuć samyja roznyja virusy i bakteryi. Kali vy dakranieciesia rukami da adzieńnia z hetymi bakteryjami, a potym, kali ŭzbudžalnik užo budzie na rukach, dakranieciesia rukami da rota — hetkim čynam infiekcyja i trapić u arhanizm. Abo, kali razmova pra reśpiratornuju infiekcyju, uzbudžalnik apyniecca ŭ arhaniźmie praz vočy ci rot. Ale navukoŭcy supakojvajuć: u asnoŭnym takija chvaroby pieradajucca praz pavietra, a nie praz pradmiety.

Usio heta nie aznačaje, što možna nikoli nie myć palito, šaliki i šapki. Asablivaj uvahi patrabujuć palčatki: my ŭ ich biaromsia za klamki, naciskajem na knopki liftaŭ, trymajemsia za poručni — tamu na ich apynajecca šmat patahienaŭ. Tamu budźcie pilnyja, kab u palčatkach nie cierci vačej, nie dakranacca da tvaru. 

Što da praviłaŭ myćcia, ekśpierty rajać vykonvać rekamiendacyi vytvorcy i myć adzieńnie na samaj vysokaj tempieratury, na jakoj heta dazvolena ŭ rekamiendacyjach. Paśla možacie pakłaści adzieńnie ŭ sušyłku na tym tempieraturnym režymie, jaki raić vytvorca: razam z myćciom hetaha chopić, kab vyrašyć pytańnie ź mikrobami. Narešcie, padumajcie pra toje, kab nasić masku dla tvaru, bo heta nie tolki abaronić vas ad patahienaŭ, ale i prosta dapamoža zachavać ciapło.

Čytajcie taksama:

Chočacie zachoŭvać jabłyki doma? Voś jak heta rabić, kab jany nie zhnili

Što treba rabić, kab nie zarazicca hrypam u pieryjad uzdymu zachvorvańnia na VRI

Što rabić z suchim liściem pierad zimoj?

• 17
• 0
• 5
• 3
• 3
• 1
• 2
• 0