Z 5 kastryčnika da ciapła pačnuć padklučać škoły, dziciačyja sadki, balnicy, palikliniki i inšyja sacyjalnyja ŭstanovy.
Z 5 kastryčnika da ciapła pačnuć padklučać škoły, dziciačyja sadki, balnicy, palikliniki i inšyja sacyjalnyja ŭstanovy.
Pra heta paviedamiŭ načalnik adździeła enierhietyki Minharvykankama Anatol Łaŭničuk.
«Spažyŭcam 2‑j katehoryi (žyllovy fond, internaty, haścinicy) ciapło padajecca, kali siaredniaja tempieratura znadvornaha pavietra na praciahu piaci dzion nie pierasiahaje 8 hradusaŭ. U papiarednija dni siaredniasutačnaja tempieratura była ŭ miežach 9‑9,5 hradusa. Tamu mahčyma, što aciapleńnie ŭ damach stalicy budzie ŭklučana ŭ čaćvier», ‑‑ skazaŭ Anatol Łaŭničuk.
Pavodle jaho słoŭ, žyllovyja słužby horada hatovy da pracesu padačy ciapła. Pašparty hatoŭnaści atrymali ŭsie damy, za vyklučeńniem damoŭ piaci tavarystvaŭ ułaśnikaŭ. «Ciepłakrynicy hatovy, sietki hatovy. Adzinaje pytańnie dla kamunalnych słužbaŭ — zapoŭnić sistemy aciapleńnia», — adznačyŭ pradstaŭnik Minharvykankama, rastłumačyŭšy, što ŭ pieryjad zapusku aciapleńnia ŭ sietku treba padać vialiki abjom vady. «Hetu rabotu my pravodzili na praciahu tydnia, kab usie sistemy aciapleńnia byli zapoŭnieny ciepłanośbitam», ‑‑ dadaŭ jon.
Śpiecyjalist rastłumačyŭ, što ciapło padajecca ŭ damy paetapna. Praces raściahvajecca na tydzień, pakolki pastaŭščyki ciapła («Minskkamunciepłasietka» i «Minskija ciepłavyja sietki») nie mohuć adnačasova padać u sietku vialiki abjom vady. Paśla ŭklučeńnia ciapła sistemy aciapleńnia adrehulujuć. Na heta pojdzie jašče prykładna dva tydni.
Jak paviedamlałasia, z 5 kastryčnika da ciapła pačnuć padklučać spažyŭcoŭ 1‑j katehoryi — škoły, dzieciačyja sady, balnicy, palikliniki i inšyja sacyjalnyja ŭstanovy.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary