U Respublikanskim navukova-praktyčnym centry ankałohii i miedycynskaj radyjałohii adbyłasia admietnaja navukovaja padzieja — paśpiachovaja abarona dysiertacyi na atrymańnie stupieni kandydata miedycynskich navuk. Dysiertacyju abaraniŭ lekar Anton Judzin. Tema — «Lačeńnie pacyjentaŭ, chvorych na rak nizkaampularnaha adździeła kutnicy, z užyvańniem nieaadjuvantnaj chimijapramianiovaj terapii».
Jak adznačaje Instytut movaznaŭstva imia Jakuba Kołasa, admietnaść hetaj padziei palahaje nie tolki ŭ vysokaj navukovaj i praktyčnaj vartaści daśledavańnia, ale i ŭ tym, što praca vykanana na biełaruskaj movie.
Pasiadžeńnie vučonaha savieta pa abaronie (viadzieńnie pasiadžeńnia staršynioj, vystupleńnie vučonaha sakratara savieta, navukovaha kiraŭnika, apanientaŭ) taksama prajšło na biełaruskaj movie.
U miedycynskaj śfiery biełaruskamoŭnyja dysiertacyjnyja daśledavańni — redkaja źjava. Viadoma, naprykład, što ŭ 2016 hodzie Andrejem Vituškam była abaroniena kandydackaja dysiertacyja «Prahnastyčnyja faktary i prafiłaktyka ŭnutrašłunačkavych kryvaźlićciaŭ u niedanošanych z masaj cieła mienš za 1500 hram pry naradžeńni» (RNPC «Maci i dzicia»).
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ29
Kamientary