Miedyki i navukoŭcy bjuć tryvohu: hrybki pahražajuć čałaviectvu. Voś u čym ich niebiaśpieka
Suśvietnaja arhanizacyja achovy zdaroŭja (SAAZ) skłała śpis hrybkoŭ, jakija mohuć być niebiaśpiečnymi dla zdaroŭja čałavieka. Hetyja hryby (u tym liku droždžy i ćvili) sustrakajucca ŭ vialikaj kolkaści ŭ pryrodzie, piša WSJ.
Kolkaść hrybkovych infiekcyj raście, jany stanoviacca ŭsio bolš ustojlivymi da lačeńnia. Hrybkovyja infiekcyi štohod zabivajuć pa najmienšych padlikach 1,6 miljona čałaviek.
U SAAZ zajavili, što dakładny ŭpłyŭ hrybkovych infiekcyj nieviadomy z-za niedachopu danych. Arhanizacyja zaklikała krainy ŭzmacnić nazirańnie i pašyryć łabaratorny patencyjał dla skryninhu hrybkovych zachvorvańniaŭ.
U zdarovych ludziej imaviernaść zarazicca surjoznaj hrybkovaj infiekcyjaj zaraz nievialikaja. Ale čakajecca, što kolkaść takich infiekcyj u śviecie budzie raści.
Kolkaść ludziej z asłablenym imunitetam i chraničnymi zachvorvańniami raście. A mienavita takija ludzi z asłablenym imunitetam padviarhajucca najbolšaj ryzycy ciažkich hrybkovych zachvorvańniaŭ.
Mnohija hrybkovyja patahieny stanoviacca bolš ustojlivymi da ciapierašnich mietadaŭ lačeńnia. Hryby adaptujucca i stanoviacca bolš niebiaśpiečnymi.
Voś asnoŭnyja hrybki, ad jakich idzie najbolšaja niebiaśpieka.
- Aspergillus fumigatus, ich bolšaść ludziej udychaje kožny dzień. Ćvil, jakaja sustrakajecca ŭ vialikaj kolkaści ŭ pryrodzie. Moža vyklikać zachvorvańnie lohkich, ale moža taksama kałanizavać inšyja častki cieła, u tym liku mozh.
- Candida albicans vyklikaje małočnicu połaści rota i vahinalnyja draždžavyja infiekcyi, a taksama moža paražać kroŭ, serca i inšyja ŭnutranyja orhany.
- Candida auris. Uzrovień śmiarotnaści ad jaho moža dasiahać 60%.
- Cryptococcus neoformans źjaŭlajecca asnoŭnaj pryčynaj zachvorvańnia pacyjentaŭ ź VIČ/ŚNIDam i zabivaje minimum 180 000 čałaviek štohod. Moža vyklikać śmiarotnyja infiekcyi mozha.
Isnujuć čatyry kłasy supraćhrybkovych preparataŭ dla lačeńnia invazijnych hrybkovych zachvorvańniaŭ, ale bolšaść preparataŭ taksičnyja navat u nizkich dozach. Pryncypova novyja preparaty nie raspracoŭvalisia dziesiacihodździami. Hrybkovyja infiekcyi atrymlivajuć mienš za 1,5% ad usich srodkaŭ na daśledavańni infiekcyjnych zachvorvańniaŭ, paviedamlaje SAAZ.
Kamientary
mažliva tak i jość. virusy ŭvohule samaja pieršaja forma žyćcia na płaniecie. hryby taksama staryja
akrom žartaŭ...
epidemii (pandemii) iduć poruč z najbujniejšymi vojnami i revalucyjami