Sud praz razvod zamaroziŭ aktyvy biełaruskaha IT-pradprymalnika na $120 miljonaŭ

Sioleta ŭ žniŭni akruhovy sud Łarnaki vynies rasparadžeńnie ab nakładańni abmiežavańniaŭ na Firestrong — chołdynhavuju kampaniju Siarhieja Hvardziejcava, jakaja vałodaje ŭ tym liku dolaj u Itransition.

Pra heta paviedamiła žonka Hvardziejcava Maryja Hvardziejcava, pakazaŭšy dakumienty z suda. Rasparadžeńnie pryniataje ŭ zabieśpiačeńnie pazovu Maryi Hvardziejcavaj pra skasavańnie šlubu, padadzienaha ŭ lipieni hetaha hoda ŭ anhlijski sud.

Kiprski sud zabaraniaje ŭnosić źmieny ŭ akcyjanierny kapitał Firestrong da zakančeńnia šlubarazvodnaha pracesu. Akramia taho, jon zabaraniaje pamianšać/abciažarvać aktyvy kampanii nižej za paroh u 120 młn jeŭra — pałovy sumy, u jakuju Maryja Hvardziejcava acaniła majomaść siamji. Pad heta abmiežavańnie padpali akcyi Itransition Holdings Limited i maltyjskaj kampanii SG Yachting Holding Limited, a taksama bankaŭskija rachunki Firestrong.

Maryja Hvardziejcava tak prakamientavała hetaje rašeńnie dla dev.by:

— U ramkach razvodu sud budzie vyrašać u tym liku finansavyja pytańni padziełu sumiesna nažytaj majomaści. Na padstavie infarmacyi z publičnych krynic pałovu sumiesnaj majomaści my acanili ŭ 120 młn jeŭra. Bolšaja častka aktyvaŭ siamji skancentravanaja ŭ kiprskaj kampanii Firestrong, bienieficyjaram jakoj źjaŭlajecca Siarhiej. Jaje košt my aceńvajem jak minimum u 166,4 młn jeŭra, joj naležyć nie mienš za 30% dolej Itransition.

Byli aściarohi, što ŭ pracesie razvodu Siarhiej pačnie vyvodzić hrošy ŭ afšory i chavać aktyvy, i, kab nie dapuścić hetaha, ja źviarnułasia ŭ sud pa zahad ab aryšcie. Sud paličyŭ maje arhumienty razumnymi i vynies rašeńnie ab aryšcie aktyvaŭ Firestrong na 120 młn jeŭra. 

Siarhiej Hvardziejcaŭ ad kamientara dev.by admoviŭsia.

U sudovym pracesie ŭ adkaz, u vieraśni (rašeńnie suda dev.by taksama dała Maryja Hvardziejcava), Firestrong damahłasia dazvołu na praviadzieńnie šerahu finansavych apieracyj na sumu kala 13 młn jeŭra. Sudździa paličyŭ, što iskavyja patrabavańni Maryi Hvardziejcavaj na 120 młn jeŭra zabiaśpiečanyja ź liškam i što narmalnaje funkcyjanavańnie kampanii pryviadzie da zachavańnia abo pavieličeńnia aktyvaŭ, zamarozka ž jaje dziejnaści — naadvarot, da straty aktyvaŭ. «Niama nijakich sumnievaŭ u tym, što Firestrong maje prava i musić svabodna handlavać u ramkach zvyčajnaha i narmalnaha pracesu svajoj dziejnaści», — havorycca ŭ sudovym rašeńni.

Bok Maryi Hvardziejcavaj u svaju čarhu padaŭ apielacyju na hetaje rašeńnie, jana jašče nie razhledžanaja.

• 1
• 0
• 7
• 3
• 1
• 0
• 1
• 0