Ekałahičnaja ściežka «Lasnoje carstva», jakuju ŭładkavali ŭ lesaparku ŭ žyłym rajonie Dražnia, pieražyła nabieh vandałaŭ, z-za čaho surjozna paciarpieła abstalavańnie zony adpačynku, paviedamlajuć «Minsk-naviny».
8 listapada ranicaj azielanicieli rajona pabačyli ŭ zialonaj zonie pałamanyja areli i parenčy dekaratyŭnaha mastka. Adpravili ŭ nakaŭt i altanku.
«Zielanbud» acaniŭ škodu ŭ 1 194 rubli 27 kapiejek. Mastok i areli rabotniki adnoviać, a voś altanka ramontu nie padlahaje», — raskazaŭ namieśnik kiraŭnika Administracyi Partyzanskaha rajona Uładzimir Lebiedź.
Jon dadaŭ, što azielanicieli majuć namier źviarnucca ŭ milicyju pa fakcie vandalizmu na ekałahičnaj ściežcy.
Ekaściežku «Lasnoje carstva» akulturyli ŭ pačatku vieraśnia da Dnia horada. U lesaparku ŭstalavali vuličnyja trenažory, dziciačuju placoŭku, viarovačny haradok, uładkavali «basanohuju» ściežku i palanu z hamakami. Jany i stali pieršymi achviarami vandałaŭ: litaralna praz paru dzion paśla adkryćcia zony adpačynku rabotniki absłuhovaj arhanizacyi vyjavili, što hamak chtości parvaŭ.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary