Экалагічная сцежка «Лясное царства», якую ўладкавалі ў лесапарку ў жылым раёне Дражня, перажыла набег вандалаў, з-за чаго сур'ёзна пацярпела абсталяванне зоны адпачынку, паведамляюць «Мінск-навіны».
8 лістапада раніцай азеляніцелі раёна пабачылі ў зялёнай зоне паламаныя арэлі і парэнчы дэкаратыўнага мастка. Адправілі ў накаўт і альтанку.
«Зелянбуд» ацаніў шкоду ў 1 194 рублі 27 капеек. Масток і арэлі работнікі адновяць, а вось альтанка рамонту не падлягае», — расказаў намеснік кіраўніка Адміністрацыі Партызанскага раёна Уладзімір Лебедзь.
Ён дадаў, што азеляніцелі маюць намер звярнуцца ў міліцыю па факце вандалізму на экалагічнай сцежцы.
Экасцежку «Лясное царства» акультурылі ў пачатку верасня да Дня горада. У лесапарку ўсталявалі вулічныя трэнажоры, дзіцячую пляцоўку, вяровачны гарадок, уладкавалі «басаногую» сцежку і паляну з гамакамі. Яны і сталі першымі ахвярамі вандалаў: літаральна праз пару дзён пасля адкрыцця зоны адпачынку работнікі абслуговай арганізацыі выявілі, што гамак хтосьці парваў.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай9
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары