Zdareńnie adbyłosia jašče ŭ vieraśni ŭ paliklinicy №4 i stała padstavaj dla zaviadzieńnia kryminalnaj spravy, paviedamlaje miascovaje vydańnie «Biełka».
Chłopiec vučycca na trecim kursie ŭ VNU. U pačatku navučalnaha hoda pryjšoŭ u palikliniku prakansultavacca nakont prastudy.
Pryjom viała žančyna-doktar. Jana paprasiła pacyjenta pakinuć za dźviaryma kurtku. Jon vykanaŭ pažadańnie, viarnuŭsia ŭ kabiniet i sieŭ na kresła. Ale, jak akazałasia, pryniaŭ nie zusim zručnuju pozu dla ahladu horła, i doktar paprasiła maładoha čałavieka sieści roŭna.
Pa viersii śledstva, usie prośby doktar ahučvała roŭnym hołasam, nie vyjaŭlajučy emocyj. Adnak niešta nie spadabałasia chłopcu, i jon udaryŭ žančynu rukoj u žyvot, jak tolki taja nabliziłasia da jaho ź miedycynskim instrumientam u rukach. Piersanał palikliniki vyklikaŭ milicyju. Paśla čaho student adrazu supakoiŭsia, vyjšaŭ u kalidor i staŭ čakać pryjezdu supracoŭnikaŭ milicyi.
Student vinu pryznaŭ.
Sud Centralnaha rajona, razhledzieŭšy spravu, pryznačyŭ pakarańnie 180 hadzin hramadskich rabot.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby9
Kamientary