Siońnia ŭ Minskim haradskim sudzie pačaŭsia sud nad eks-žurnalistam BT Dźmitryjem Łukšam, jaho žonkaj Palinaj Pałavinkaj i jašče tryma fihurantami spravy — Anastasijaj i Dzianisam Jaroŭskimi, Kanstancinam Nikanoravym, piša «Viasna».
Fihurantaŭ spravy abvinavačvajuć u «dyskredytacyi Biełarusi», a taksama «aktyŭnym udziele ŭ hrupavych dziejańniach, jakija hruba parušajuć hramadski paradak».
Pavodle viersii abvinavačvańnia, Łukša z metaj dyskredytacyi krainy z dapamohaj apieratara źniaŭ šerah videasiužetaŭ, jakija źmiaščali zahadzia łžyvuju infarmacyju.
Byccam by «pa jaho ŭkazańni žonka, chavajučy svoj tvar, pradstaviłasia hramadziankaj Siryi, jakaja nibyta žyvie ŭ stychijnym łahiery ŭ Biełarusi. Jana ahučyła zahadzia padrychtavany tekst ź niepraŭdzivymi źviestkami ab nievykanańni pravoŭ mihrantaŭ, niezadavalnieńni ich bazavych patreb, deficycie vady i ježy, pry hetym Łukša paćvierdziŭ, što asabista naziraŭ hetyja parušeńni».
«Na videa, źniatym za miažoj, na jakim demanstravaŭsia deficyt tavaraŭ i valuty, Łukša nakłaŭ svoj zakadravy hołas, pry hetym paviedamiŭ, što ŭ siužecie pakazana situacyja ŭ Biełarusi».
Łukša pracavaŭ pazaštatnym karespandentam kazachstanskaha telekanała «Chabar 24». Łukša, Pałavinka i Jaroŭski znachodziacca pad vartaj. Žonka Dzianisa Anastasija na sud nie źjaviłasia.
-
«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ
-
Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie
-
«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary