Minsielhascharč: Zamianić upakoŭku z tetrapaku ŭvadnačas nie atrymajecca
Biełaruskija pradpryjemstvy praciahvajuć adčuvać prablemy z upakoŭkaj. Łukašenka niadaŭna zapatrabavaŭ chutka zamianić tetrapaki, jakija stała niemahčyma atrymlivać z-za sankcyj, ale čynoŭniki pryznajuć, što pakul heta nie tak prosta.
«U ciapierašni momant na šmatlikich zavodach užo vyrablenyja testavyja raźlivy pradukcyi, bo ŭpakoŭka tetrapak musić zachoŭvać pradukt na 6, 9, 12 miesiacaŭ. Testavy raźliŭ praduhledžvaje znachodžańnie na vytrymcy praduktu na hetyja miesiacy plus jašče 20-30 %. Tamu zamianić uvadnačas upakoŭku nie atrymlivajecca», — kanstatuje namieśnik ministra sielskaj haspadarki i charčavańnia Vadzim Šahojka.
Pa słovach čynoŭnika, praces zamieny tetrapaku na inšuju ŭpakoŭku choć idzie, ale daloki ad zaviaršeńnia:
«Niedzie dapracoŭvajecca ŭpakoŭka pad naša abstalavańnie. Heta praces žyvy, jon vyrašajecca, i na hety momant niejkich krytyčnych pytańniaŭ nie ŭźnikaje. Viaducca pieramovy z pastaŭščykami danaj upakoŭki. Zavody [pa vytvorčaści tetrapaku] jość i ŭ Rasii, jość namiery budaŭnictva zavoda i ŭ Biełarusi. My ŭžo ŭ pryncypie na Zachad nie hladzim».
Nahadajem, što miesiac tamu ministr sielskaj haspadarki i charčavańnia Ihar Bryło zapeŭnivaŭ, što «zaraz nijakich pytańniaŭ z tetrapakam niama, usio vyrašana».
Čytajcie taksama:
«My hatovyja dać syravinu, a vy vyrabicie ŭpakoŭku». Biełaruskija čynoŭniki sprabujuć impartazamiaścić tetrapaki
Na «Babulinaj kryncy» viarški raźlivajuć u tetrapaki z-pad šakaładnaha kaktejlu. I heta nie pamyłka!
U Minsielhascharčy raskazali, jak dajuć rady pierabojam z tetrapakami
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary